Aktualitet

Theu masën "arrest në shtëpi" dhe qëlloi në ajër me kallashnikov, pranga 19-vjeçarit

Në sajë të operacionit të koduar "Lake", policia e Vorës ka arrestuar një 19-vjeçar që ka qëlluar në ajër me armë zjarri kallashnikov.

28 Qershor 2023, 10:41 Nga m.s
Theu masën "arrest në shtëpi" dhe qëlloi në
arma e sekuestruar

VORË- Në sajë të operacionit të koduar "Lake", policia e Vorës ka arrestuar një 19-vjeçar që ka qëlluar në ajër me armë zjarri kallashnikov. Pas informacionit të marrë se në afërsi të liqenit të fshatit Muçaj, një shtetas kishte qëlluar me armë zjarri në ajër, policia organizoi punën për kapjen e autorit të dyshuar. 

Si rezultat i këtij operacioni u bë arrestimi i shtetasit me inicialet L. M., 19-vjeç, banues në fshatin Muçaj, Vorë. Gjithashtu u procedua penalisht një shtetas i mitur 15-vjeç. Shtetasi L. M., duke udhëtuar me një automjet që drejtohej nga 15-vjeçari, kanë shkuar te liqeni i fshatit Muçaj, dhe pasi kanë ndaluar, 19-vjeçari ka qëlluar në ajër me armë zjarri kallashnikov. Pas verifikimeve të kryera ka rezultuar se 19-vjeçari i arrestuar, kishte shkelur masën e sigurisë "Arrest në shtëpi".

Theu masën "arrest në shtëpi" dhe qëlloi në

Njoftimi nga policia 

Vorë/Finalizohet nga Komisariati i Policisë Nr. 7 operacioni policor i koduar "Lake". Theu masën e sigurisë "Arrest në shtëpi", duke dalë nga banesa, dhe qëlloi në ajër me armë zjarri kallashnikov, kapet dhe vihet në pranga 19-vjeçari. Procedohet penalisht një i mitur 15 vjeç. Sekuestrohen një armë zjarri kallashnikov dhe 4 krehra.

Shërbimet e Komisariatit të Policisë Nr. 7 në vijim të punës për evidentimin dhe goditjen e çdo rasti paligjmërie dhe vënien e autorëve përpara përgjegjësisë ligjore, pas informacionit të marrë se në afërsi të liqenit të fshatit Muçaj, një shtetas kishte qëlluar me armë zjarri në ajër, menjëherë kanë organizuar punën për kapjen e autorit të dyshuar dhe kanë finalizuar operacionin policor të koduar "Lake". Si rezultat i këtij operacioni u bë arrestimi i shtetasit L. M., 19 vjeç, banues në fshatin Muçaj, Vorë. Gjithashtu u procedua penalisht një shtetas i mitur 15 vjeç. Shtetasi L. M., duke udhëtuar me një automjet që drejtohej nga 15-vjeçari, kanë shkuar te liqeni i fshatit Muçaj, dhe pasi kanë ndaluar, shtetasi L. M. ka dalë nga automjeti dhe ka qëlluar në ajër me armë zjarri kallashnikov. Pas verifikimeve të kryera ka rezultuar se 19-vjeçari i arrestuar, kishte shkelur masën e sigurisë "Arrest në shtëpi". Në cilësinë e provës materiale u sekuestrua arma e zjarrit kallashnikov e përdorur gjatë ngjarjes dhe 4 krehra. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

vore

Sondazh

Poll

MË SHUMË