Aktualitet

80 mijë euro për ta vrarë/ U shpëtoi 2 ATENTATEVE- Si nisi përplasja për një borxh të pakthyer mes vëllezërve Pashaj me Aredin Beharin?

Palët ishin përfshirë në një konflikt gjyqësor në shkallë të parë në Fier dhe në Gjykatën e Apelit Vlorë. Në shkallën e parë, gjyqin e ka fituar Aredin Behari, ndërsa në Apel dy vëllezërit Pashaj.

27 Qershor 2023, 12:54 Nga k.m.

80 mijë euro për ta vrarë/ U shpëtoi 2 ATENTATEVE- Si nisi
Foto ilustruese

FIER- Aredin Behari, shënjestra e 2 sulmeve me armë zjarri, rezulton të jetë një tregtar nafte në qytetin e Fierit dhe po ashtu pjesë mbikëqyrëse e shoqërisë aksionere të  hidrokarbureve Ed-Al e themeluar në janar 2021. Sipas gazetarit Elton Qyno, i cili shkruan për "OraNews", dy vëllezerit Ardjan dhe Albert Pashaj kanë pasur konflikt për shkak të borxheve financiare që i kishte Aredin Behari.

Palët ishin përfshirë në një konflikt gjyqësor në shkallë të parë në Fier dhe në Gjykatën e Apelit Vlorë. Në shkallën e parë, gjyqin e ka fituar Aredin Behari, ndërsa në Apel dy vëllezërit Pashaj.

Pas fitores në gjyq, të dy kanë mundur që t'i marrin një shtëpi Aredin Pashaj, por më pas ai i ka hedhur sërish në gjyq, duke i kundërshtuar me një padi civile. Për të shlyer borxhet financiare, Aredin Behari është futur aksioner tek kompania e dy vëllezërve Pashaj.

Disa kohë më pas, njëri nga vëllezërit, Albert Pashaj pa dijeninë e vëllait tjetër Ardjanit, ka kontraktuar Henrik Hoxhajn dhe Skerdi Tasin për të vrarë Aredin Beharin. Atentatet janë zhvilluar një në vitin 2017, e tjetri në vitin 2019, si shenjë hakmarje për mosmarjen e borgjeve financiare nga Aredin Behari. Por fatmirësisht, ky i fundit i ka shpëtuar të dy atentateve.

Ngjarjet janë treguar nga bashkëpuntori i prokurorisë Henrik Hoxhaj, duke sjellë arrestimin e njërit prej vëllezërve Pashaj dhe riarestimin e Henrik Hoxhaj dhe Skerdi Tasit. Po ashtu, SPAK ka sekuestruar dosjet civile dhe penale nga Fieri, ku tregohet historiku i konfliktit mes vëllezërve Pashaj dhe Aredin Beharit.

albert pashaj aredin behari ardjan pashaj

Sondazh

Poll

MË SHUMË