Bota

Britania i kërkon Kosovës shtensionim të situatës në veri

Sekretari i Jashtëm theksoi nevojën që qeveria e Kosovës të ndërmarrë hapa de-përshkallëzues për të ulur tensionet, duke përfshirë sigurimin që kryetarët e 4 komunave veriore të mund të punojnë nga lokacione alternative.

26 Qershor 2023, 19:07 Nga f.i
Britania i kërkon Kosovës shtensionim të situatës në
James Cleverly dhe Albin Kurti

BRITANI E MADHE- Sekretari i Jashtëm James Cleverly takoi kryeministrin e Kosovës Albin Kurti sot në Londër për të diskutuar situatën në veri të Kosovës.

Sekretari i Jashtëm theksoi nevojën që qeveria e Kosovës të ndërmarrë hapa de-përshkallëzues për të ulur tensionet, duke përfshirë sigurimin që kryetarët e 4 komunave veriore të mund të punojnë nga lokacione alternative, largimin e njësive speciale të policisë nga ndërtesat komunale dhe marrjen e hapave drejt zgjedhjeve të reja, gjithëpërfshirëse, thuhet në njoftim.

"Mbretëria e Bashkuar ishte vendi i parë që njohu pavarësinë e Kosovës në vitin 2008 dhe mbetet e përkushtuar për të ardhmen e saj si një shtet i pavarur, multietnik në një rajon të qëndrueshëm dhe të begatë. Siç ia kam bërë të qartë kryeministrit Kurti, tensionet e vazhdueshme vënë në rrezik arritjet e arritura me vështirësi në Kosovë gjatë viteve së bashku me Mbretërinë e Bashkuar dhe partnerët ndërkombëtarë,"-tha Cleverly.

tensionet në veri të kosovës james cleverly

Sondazh

Poll

MË SHUMË