Aktualitet

U përfshi në një aksident! AMP: Arrestohet nënkomisari i policisë në Pogradec, drejtonte mjetin në gjendje të dehur

Nënkomisari ka ishte nën efektin e alkoolit në momentin e aksidentit, që fatmirësisht ka qenë pa pasoja në njerëz, por vetëm dëme materiale.

26 Qershor 2023, 09:45 Nga A.B
U përfshi në një aksident! AMP: Arrestohet nënkomisari i
Policia

TIRANË- Agjensia e Mbikqyrjes Policore ka vënë në pranga nënkomisarin e Policisë në Pogradec, pasi është përfshirë në një aksident rrugor mbrëmjen e djeshme, dhe më pas është larguar nga vendngjarja. Nënkomisari ka ishte nën efektin e alkoolit në momentin e aksidentit, që fatmirësisht ka qenë pa pasoja në njerëz, por vetëm dëme materiale.

Ai do vihet në hetim për veprat penale: “Drejtimi i automjeteve në mënyrë të parregullt” dhe “Largimi nga vendi i aksidentit”.

NJOFTIMI I AMP:

Agjencia e Mbikëqyrjes Policore (Rajoni Elbasan-Korçë) ka arrestuar në flagrancë punonjësin e policisë Nënkomisar L. D., 46 vjeç, me detyrë Specialist për Hetimin e Krimit në Komisariatin e Policisë Pogradec, i dyshuar për kryerjen e veprave penale “Drejtimi i automjeteve në mënyrë të parregullt” dhe “Largimi nga vendi i aksidentit”. Arrestimi i tij u krye pasi më datë 25.06.2023, rreth orës 22:20, në aksin rrugor Pogradec-Korçë, ai u përfshi në një aksident me dëme materiale duke goditur një automjet tjetër dhe më pas u largua nga vendngjarja.

Nga veprimet e para hetimore rezultoi se punonjësi i policisë drejtonte automjetin nën efektin e alkolit tej normave të lejuara. Materialet proceduriale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 90 90.

arrestohet polici ne pogradec

Sondazh

Poll

MË SHUMË