Sport

Messi: “Ishte shumë e vështirë të përshtatesha me Parisin”

Lionel Messi foli për dy vitet që luajti për Paris Saint-Germain dhe vështirësitë me të cilat u përball në kryeqytetin francez.

25 Qershor 2023, 17:42 Nga DOSJA
Messi: “Ishte shumë e vështirë të përshtatesha me

ARGJENTINE - Lionel Messi ka folur për një "përshtatje shumë të vështirë" teksa përpiqet të shpjegojë fillimin e sezonit të tij në Paris Saint-Germain, i cili e pa atë të përjetojë "zhgënjim shumë të madh" pas dy largimeve të njëpasnjëshme nga Liga e Kampionëve.

Ylli i ri i Inter Miami dhe MLS, i cili dje (24/6) festoi ditëlindjen e tij të 36-të, ka dhënë një intervistë për beIN Sports dhe natyrisht ka folur gjatë për aventurën franceze... dhe Paris SG, ku shkoi verën e 2021, pas 17 vitesh në Barcelonë.

“Shkova në Paris sepse më pëlqente klubi, kisha miq në dhomën e zhveshjes dhe më dukej më e lehtë të përshtatesha, ndryshe nga ku mund të kisha shkuar”, nënvizoi “Pleshti” dhe shtoi.

“Por në fakt, ishte një përshtatje shumë e vështirë, shumë më tepër nga sa prisja, për shkak të një mënyre të re të lojës, shokëve të rinj dhe një qyteti të ri. Erdha vonë, nuk isha përgatitur. Fillimi ishte i vështirë për mua dhe familjen time”.

Sezoni i tij i parë në të cilin ai shënoi vetëm 11 gola në 34 ndeshje ishte gjithashtu i komplikuar pasi ai u kontraktua me Covid-19 në Argjentinë gjatë pushimit dimëror, gjë që e detyroi atë të ishte "pothuajse joaktiv për një muaj", siç theksoi ai.

“Më mori shumë kohë që të kthehesha në formë të mirë fizike. Nuk është justifikim, por Kupa e Botës ishte shumë e rëndësishme. Disa u kthyen më vonë se të tjerët, disa u lënduan, si Neymar. Mendoj se në përgjithësi niveli i kampionatit apo i Champions League, u ndikuan nga ky Botëror”.

Në të njëjtën kohë, kampioni i botës 2022 iu referua edhe ecurisë së pasuksesshme të Paris Saint-Germain në Champions League: “Ishte një zhgënjim shumë i madh”, ndërsa duke folur për tifozët e skuadrës franceze shtoi: “Në fillim ishte e mrekullueshme, mora shumë inkurajim. Por, më pas, një pjesë e publikut parizian më trajtoi ndryshe. Shumica më trajtuan mirë, por pati tensione nga një pjesë e tifozëve. Unë kam qenë me fat që kam pushtuar gjithçka në futboll dhe kjo do të mbetet në fund të karrierës sime .'

B.T (Dosja.al)

Sondazh

Poll

MË SHUMË