Bota

Dy viktima nga përmbytjet në Pejë, Abdixhiku: Jam në kontakt me kryetarin e komunës! Po merren masa për të ndihmuar familjet e prekura

Ai gjithashtu bëri të ditur se kryetari i Komunës së Pejës, Gazmend Muhaxheri, së bashku me organet e tjera lokale po merr masa për të ndihmuar familjet e prekura nga përmbytjet dhe moti i keq. 

25 Qershor 2023, 11:17 Nga a.l
Dy viktima nga përmbytjet në Pejë, Abdixhiku: Jam në kontakt
Lumir Abdixhiku

KOSOVË- Kryetari i Lidhjes Demokratike të Kosovës, Lumir Abdixhiku ka reaguar pas tragjedisë në Pejë ku nënë e bir humbën jetën si pasojë e përmbytjeve dhe reshjeve të dendura të shiut që kanë përfshirë zonën prej mbrëmjes së djeshme. Në një postim në Facebook, Abdixhiku shprehet se është në komunikim të vazhdueshëm me kryetarin e Pejës për të neutralizuar situatën. 

“Ngjarja tragjike e vdekjes së nënës dhe fëmijës së saj është humbje e madhe për familjen, për qytetin e Pejës si dhe për të gjithë ne. Prandaj në emrin tim dhe të Lidhjes Demokratike të Kosovës iu shpreh ngushëllime familjes Ademaj, ndërsa të lënduarve tjerë shërim të shpejtë e të plotë. Në kohë të vështira si kjo nga fatkeqësitë natyrore të cilat dhe janë të paparishkueshme duhet të jemi solidarë dhe të përkrahim njëri-tjetrin”, ka shkruar Abdixhiku.

Ai gjithashtu bëri të ditur se kryetari i Komunës së Pejës, Gazmend Muhaxheri, së bashku me organet e tjera lokale po merr masa për të ndihmuar familjet e prekura nga përmbytjet dhe moti i keq. 

“Solidariteti dhe  bashkëpunimi janë thelbësore në momente të tilla për të ndihmuar bashkëqytetarët të ngrihen përsëri pas një fatkeqësie tragjike”, ka theksuar kryetari i LDK-së, Lumir Abdixhiku, ndërsa falënderoi të gjitha organet lokale, njësitë e kërkim-shpëtimit të FSK-së, si dhe të gjithë qytetarët  për angazhimin e tyre për të tejkaluar këtë situatë.

Duke u bërë thirrje institucioneve qendrore të mobilizojnë të gjithë mekanizmat shtetëror t'iu dalin në ndihmë të menjëhershme qytetarëve të prekur nga vërshimet, kryetari i LDK-së, Abdixhiku, tha se institucionet duhet të koordinohen me të gjitha organet lokale për t’iu përgjigjur nevojave të familjeve në përballje me këtë situatë. 

lumir abdixhiku permbytje ne peje

Sondazh

Poll

MË SHUMË