Bota

Lufta civile Wagner-Putin/ Sunak u bën thirrje të gjitha palëve të tregojnë 'përgjegjësi'

Po ashtu, kryeministri britanik për BBC tha se po monitoronte situatën "nga afër" dhe do të zhvillonte bisedime me disa nga aleatët e Mbretërisë së Bashkuar.

24 Qershor 2023, 13:52 Nga k.m.
Lufta civile Wagner-Putin/ Sunak u bën thirrje të gjitha palëve
Rishi Sunak

BRITANI E MADHE- Kryeministri britanik Rishi Sunak u bëri thirrje "të gjitha palëve të tregojnë përgjegjësi dhe të mbrojnë civilët" në mes të kryengritjes së armatosur nga grupi mercenar Wagner.

Po ashtu, kryeministri britanik për BBC tha se po monitoronte situatën "nga afër" dhe do të zhvillonte bisedime me disa nga aleatët e Mbretërisë së Bashkuar.

"Kjo është një situatë në zhvillim dhe unë mendoj se gjëja e duhur për të bërë në këtë moment është të sigurohemi se jemi në kontakt me aleatët tanë, të cilët jemi dhe unë do të flas me ta më vonë sot. Ne gjithashtu u bëjmë thirrje të gjitha palëve të ushtrojnë përgjegjësinë dhe mbrojtjen e jetës së qytetarëve”.

I pyetur nëse kishte folur me presidentin ukrainas Volodymyr Zelenskyy, Sunak përsëriti se ai ishte në kontakt me aleatët "siç do të prisnit që ne të jemi të koordinuar në një situatë të tillë". I pyetur për qytetarët britanikë që mbeten në Rusi, Sunak tha se Mbretëria e Bashkuar ka kohë që ka shpërndarë këshilla udhëtimi për të shmangur udhëtimin në Rusi dhe se qytetarët duhet të kontrollojnë vazhdimisht faqen e internetit të Ministrisë së Jashtme për përditësime.

Gjatë intervistës, Sunak tha se do të zhvillonte bisedime me aleatët e Britanisë, ndërsa u bëri thirrje të gjitha palëve në konfliktin rus të shmangin marrjen e masave kundër civilëve.

Çfarë po ndodh në Rusi?

Grupi Wagner, pas kërcënimeve të shumta i ka shpallur zyrtarisht luftë Kremlinit dhe drejtuesëve të Rusisë. Thirrja për ‘kryengritje’ erdhi pasi Yevgeny Prigozhin, pretendon se ushtria e Moskës vrau një grup mercenarësh të tij gjatë një sulm në një kamp. Prigozhin ka nisur kryengritjen e tij nga qyteti Rostov-on-Don, pranë kufirit me Ukrainën, ku banorëve u është thënë të qëndrojnë brenda. Presidenti rus, Vladimir Putin e ka cilësuar si një thikë pas shpine, rebelimin e tij, ndërsa ka mohuar rrezikun e një grushti shteti. Putin ka pranuar se situata në qytetin jugor të Rostov-on-Don, të marrë nga Wagner, mbetet e vështirë. Në qendër të Moskës kanë dalë në rrugë tanket dhe janë rritur masat e sigurisë dhe të gjitha objektet e rëndësishme janë nën vëzhgim./Dosja.al

rishi sunak lufta civile ne rusi

Sondazh

Poll

MË SHUMË