Bota

ME FOTO/ Kurti nxjerr DETAJE nga pengmarrja e policëve: Ishin duke ngrënë 7 metra larg makinës! 15 serbë i rrëmbyen

Kurti ka kërkuar edhe një herë nga faktorët ndërkombëtarë, BE, SHBA dhe NATO-ja që ta dënojnë agresionin serb.

20 Qershor 2023, 21:41 Nga a.l

ME FOTO/ Kurti nxjerr DETAJE nga pengmarrja e policëve: Ishin duke

Albin Kurti

KOSOVË- Kryeministri Albin Kurti ka publikuar disa detaje nga pengmarrja e 3 policëve të Kosovës. Në një postim në rrjete sociale ai tregon përmes disa fotove distancën e policëve nga tavolina e ngrënies pak para se të viheshin në pranga nga forcat serbe.

“Në momentin e rrëmbimit, tre policët tonë kanë qenë te tryeza e improvizuar për ngrënie, duke drekuar së bashku. Ata janë rrethuar nga 15 persona që i kanë sulmuar dhe i kanë rrëmbyer. Ambasadori ynë në Beograd, Jetish Jashari, sot i ka vizituar ndaras të tre policët, të cilët po mbahen peng nga Serbia. Janë tri rrëfime identike nga tre policët. Pikërisht në atë vend ku e kemi theksuar qysh me datën 15 qershor: 1 kilometër në brendi përgjatë rrugës së bllokuar ilegale, dhe 300 metra, përkatësisht 670 metra, nga të dy anët larg kufirit e brenda Kosovës. Ne jemi në të drejtën tonë, në të drejtën e Republikës dhe këtë e dokumentojnë qartë dëshmitë që posedojnë institucionet tona të sigurisë, si dhe dëshmia e tre policëve tanë. Kërkojmë lirimin e menjëhershëm të tre zyrtarëve policor. Ata duhet të lirohen pa kushte dhe të pacenuar”, ka thënë Kurti.

Kurti ka kërkuar edhe një herë nga faktorët ndërkombëtarë, BE, SHBA dhe NATO-ja që ta dënojnë agresionin serb.

“Njëkohësisht kërkojmë nga faktorët ndërkombëtarë, Bashkimi Evropian, Shtetet e Bashkuara të Amerikës dhe NATO-ja që ta dënojnë agresionin e Serbisë që paraqet edhe shkelje të pikës 4 të Marrëveshjes tekniko-ushtarake të Kumanovës, nga 9 qershori të vitit 1999. Në mesditën e 14 qershorit, u ushtrua agresion i Serbisë ndaj shtetit demokratik të Kosovës, me rrëmbimin e tre zyrtarëve të Policisë sonë, thellë në brendi të territorit të Republikës”, ka shkruar ai.

I dërguari amerikan për Ballkanin Perëndimor, Gabriel Escobar në diskutimin publik në Uashington me emisarin, Miroslav Lajçak i është përgjigjur kritikave se kanë mbajtur qëndrim të një anëshëm në konfliktin aktual Kosovë-Serbi. Ai tha se Shtetet e Bashkuara të Amerikës nuk janë treguar asnjëherë tolerantë ndaj Serbisë, por as të vështirë ndaj Kosovës, duke iu referuar 'akuzave' ndaj kryeministrit Kurti.

albin kurti tensione në veri të kosovës