Bota

Ishin në krye të detyrës në vijën kufitare në veri/ Policia e Kosovës: 3 efektivët tanë po patrullonin! Drejt tyre kanë shkuar persona të maskuar

Policia tha se 3 efektivët, kanë njoftuar se kanë parë disa persona të maskuar dhe të armatosur dhe drejt tyre janë nisur njësi të tjera të policisë.

14 Qershor 2023, 15:25 Nga a.l
Ishin në krye të detyrës në vijën kufitare në
Policia

KOSOVË- Policia e Kosovës ka njoftuar se mesditën e sotme, tre policë kufitarë dyshohet se janë rrëmbyer nga forcat serbe gjatë një patrullimi në vendin e quajtur Tresave/Bare, në vijën kufitare në veri të Kosovës. Ky fshat gjendet në komunën e Leposaviçit.

Sipas një njoftimi të Policisë së Kosovës, njësia policore ka qenë duke kryer një patrullë  brenda territorit të Kosovës për të parandaluar shfrytëzimin e rrugëve ilegale, që sipas këtij institucioni shfrytëzohen nga grupet kriminale” për kalim ilegal dhe kontrabandë.

Policia tha se 3 efektivët, kanë njoftuar se kanë parë disa persona të maskuar dhe të armatosur dhe drejt tyre janë nisur njësi të tjera të policisë.

“Me të arritur në atë lokacion, njësitet asistuese kanë vërejtur vetëm veturën zyrtare, por jo edhe vetë zyrtarët policorë që kanë qenë me detyrë në atë lokacion. Në drejtim të këtij lokacioni menjëherë kanë shkuar edhe njësite tjera policore, si dhe janë informuar edhe institucionet tjera të sigurisë, përfshirë KFOR-in, pasi dyshohet se zyrtarët policorë janë kidnapuar nga forcat serbe”, thuhet në njoftim./ REL

tensionet në veri të kosovës

Sondazh

Poll

MË SHUMË