Bota

Rrëmbimi i 3 policëve të Kosovës/ Sveçla: Hynë në territorin tonë! Kjo është shkelje e çdo marrëveshjeje

Ministri ka kërkuar nga faktori ndërkombëtar që të rrisë urgjentisht presionin ndaj Serbisë që jo vetëm të lirojë zyrtarët  policorë por edhe të ndalojë provokimet e saj.

14 Qershor 2023, 15:14 Nga a.l
Rrëmbimi i 3 policëve të Kosovës/ Sveçla: Hynë
Xhelal Sveçla

KOSOVË- Ministri i Punëve të Brendshme, Xhelal Sveçla ka reaguar lidhur me lajmin e publikuar pak minuta më parë, ku 3 policë të Kosovës janë rrëmbyer nga policia serbe. Ai konfirmoi se Serbia ka hyrë në territorin e Kosovës dhe ka rrëmbyer 3 zyrtarë policorë. Përmes një postimi në Facebook, Sveçla shkruan se kjo është shkelje e çdo marrëveshje dhe kundër çdo parimi të normave ndërkombëtare.

“Pa asnjë dyshim, zyrtarët tanë policorë kanë qenë të vendosur thellë brenda territorit të Republikës së Kosovës, në pikë kontroll statik, duke kryer detyrat e tyre të rregullta”, shkroi Sveçla në Facebook.

Ministri ka kërkuar nga faktori ndërkombëtar që të rrisë urgjentisht presionin ndaj Serbisë që jo vetëm të lirojë zyrtarët  policorë por edhe të ndalojë provokimet e saj.

REAGIMI I PLOTË:

Përderisa rendi dhe ligji po zbatohet në vendin tonë, Serbia kriminale ka hyrë në territorin e Kosovës dhe ka kidnapuar 3 zyrtarë policorë të Republikës së Kosovës, në shkelje të çdo marrëveshje e kundër çdo parimi të normave ndërkombëtare.

Pa asnjë dyshim, zyrtarët tanë policorë kanë qenë të vendosur thellë brenda territorit të Republikës së Kosovës, në pikë kontroll statik, duke kryer detyrat e tyre të rregullta.

Serbia po vazhdon të jetë shkaktar dhe gardian i së keqes në rajon e në Kosovë. Ne nuk zmbrapsemi para kriminelëve e terroristëve. Serbia po tregon përsëri fytyrën e saj të vërtetë dhe atë të një shteti autokrat e agresor.

Kërkojmë nga faktori ndërkombëtar të rrisë urgjentisht presionin ndaj Serbisë që jo vetëm të lirojë zyrtarët tanë policorë por edhe të ndalë provokimet e saj.

Sjellje të tilla kriminale të Serbisë nuk na ndalin në rrugëtimin tonë të forcimit të sovranitetit në vend. 

xhelal sveçla

Sondazh

Poll

MË SHUMË