Aktualitet

Rrëmbimi dhe vrasja e Jan Prengës, GJKKO kalon dosjen për gjykim pas 1 viti pezullim

Pas një viti pezull, Gjykata e Posaçme kaloi sot për gjykim çështjen penale ndaj Dritan Rexhepit dhe grupit të strukturuar kriminal, që akuzohen për rrëmbimin dhe vrasjen e Jan Prengës

13 Qershor 2023, 12:05 Nga DOSJA
Rrëmbimi dhe vrasja e Jan Prengës, GJKKO kalon dosjen për gjykim
Jan Prenga

TIRANE- Pas një viti pezull, Gjykata e Posaçme kaloi sot për gjykim çështjen penale ndaj Dritan Rexhepit dhe grupit të strukturuar kriminal, që akuzohen për rrëmbimin dhe vrasjen e Jan Prengës. Hetimi nisi për Rexhepin, i arrestuar në Ekuador, Gentian Funiqin që ndodhet pas hekurave në Spanjë, si dhe për pjesëtarët e tjerë të këtij grupi; Geraldo Martini, Aldo Majnishta, Martin Bleta, Korado Gështenja e Artan Docaj. Sakaq, gjyqi për Altin Hajrin për të njëjtat akuza është pezulluar deri në kapjen e tij.

Jan Prenga me profesion mobilier, u rrëmbye në Kamëz ku edhe jetonte me familjen, kur në rrugën “London” u fut me forcë në një makinë të autorëve, Range Rover i bardhë, që rezultoi i vjedhur, dhe pas ngjarjes u gjet i djegur në Shkallnur të Durrësit.

Në pamjet e e siguruara nga dosja hetimore, rezulton se trupi i 49-vjeçarit është nxjerrë nga automjeti Range Rover dhe është futur në një furgon të bardhë për t’u zhdukur më pas. Ende nuk ka asnjë gjurmë apo informacion se çfarë është bërë më viktimën. 

Sondazh

Poll

MË SHUMË