Bota

Nga zgjedhjet e parakohshme, tek kontrollet nga Policia në zonë! 5 propozimet e Kurtit për t'i dhënë fund tensioneve në veri të Kosovës

Kurti tha se sundimi i ligjit është hapi i parë, duke përfshirë identifikimin dhe ndjekjen penale e gjykimin e drejtë të të gjithë atyre që e kanë sulmuar Policinë, pjesëtarët e NATO-s dhe gazetarët. 

13 Qershor 2023, 11:28 Nga a.l
Nga zgjedhjet e parakohshme, tek kontrollet nga Policia në zonë! 5
Albin Kurti

KOSOVË- Kryeministri i Kosovës, Albin Kurti gjatë konferencës për media të mbajtur ditën e sotme i është përgjigjur me kërkesa SHBA-së dhe BE-së për uljen e tensioneve në veri të vendit. Pas takimit me ambasadorët e shteteve të QUINT-it që pati sot, ai tha se i ka propozuar një plan me 5 pika shefit të diplomacisë së BE-së, Josep Borrell teksa tha se dje ka patur një bisedë telefonike. Kurti tha se sundimi i ligjit është hapi i parë, duke përfshirë identifikimin dhe ndjekjen penale e gjykimin e drejtë të të gjithë atyre që e kanë sulmuar Policinë, pjesëtarët e NATO-s dhe gazetarët. 

Pesë propozimet e Albin Kurtit për të ulur tensionet në Veri: 

1. Sundimi i ligjit në katër komunat veriore dhe identifikimi dhe ndjekja e atyre që kanë sulmuar policinë, KFOR-in dhe gazetarët
2. Grupet e dhunshme të tërhiqen menjëherë nga territori i Kosovës 
3. Policia e Kosovës, KFOR dhe EULEX të kryejnë vlerësime të përbashkëta të sigurisë çdo 15 ditë 
4. Qeveria e Kosovës do të koordinohet me të gjithë akterët dhe do të shpallë zgjedhje të parakohshme në katër komunat veriore, që do të mbahen në atmosferë të lirë dhe demokratike 
5. Kosova dhe Serbia kthehen menjëherë në dialog në të cilin BE-ja siguron zbatimin e marrëveshjes së arritur si dhe në javën që vjen të organizohet takim i nivelit të lartë. 

 

 

albin kurti

Sondazh

Poll

MË SHUMË