Bota

Kurora me lule dhe flamuj 'Milan' dhe 'Monza' në hyrje të vilës së tij, italianët kryejnë homazhe në nder të ish-kryeministrit Silvio Berlusconi

Berlusconi vdiq teksa ishte i shtruar në spitalin San Raffaele, më pas trupi i tij u dërgua në Arcore për përgatitjen e një shtëpie funerali të rezervuar për familjen, miqtë dhe personalitetet.

13 Qershor 2023, 10:49 Nga a.l
Kurora me lule dhe flamuj 'Milan' dhe 'Monza' në hyrje
Homazhet për Berlusconin

ITALI- Buqeta me lule dhe flamuj të ekipeve të futbollit Milan dhe Monza janë vendosur para shtëpisë së ish-kryeministrit Silvio Berlusconit në Arcore, mes atyre të Forza Italia, një ditë pasi ndërroi jetë në spitalin San Raffaele. 

Në nder të themeluesit 'Forca Italia', disa persona në hyrje të Villa San Martino kanë vendosur buqeta dhe kurora me lule në hyrje të vilës së tij. Berlusconi vdiq teksa ishte i shtruar në spitalin San Raffaele, më pas trupi i tij u dërgua në Arcore për përgatitjen e një shtëpie funerali të rezervuar për familjen, miqtë dhe personalitetet, shkruajnë mediat italiane. 

Vdes ish-kryeministri Silvio Berlusconi 

Ish-kryeministri italian Silvio Berlusconi i njohur si 'Kavalieri' ka vdekur në moshën 86-vjeçare. Ai ndërroi jetë në spitalin San Raffaele në Milano. Berlusconi emri i të cilit është lakuar në disa skandale seksuale dhe akuza për korrupsion vuante nga leuçemia kronike. Në muajin prill ai u trajtua në spital për një infeksion të mushkërive. Një manjat mediatik miliarder, Berlusconi erdhi për herë të parë në detyrë në vitin 1994 dhe drejtoi katër qeveri deri në vitin 2011. Ai udhëhoqi partinë e qendrës së djathtë Forza Italia, e cila hyri në koalicion nën kryeministren Giorgia Meloni pas zgjedhjeve në shtator, kur ai u zgjodh në dhomën e lartë të Italisë. 

vdes silvio berlusconi

Sondazh

Poll