Bota

Vendosi flamurin kombëtar në objektin e komunës, kryetari i Preshevës thirret në gjykatën serbe

Arifi është shprehur se kjo ftesë dëshmon edhe më shumë shkeljet dhe diskriminimin që Serbia bën ndaj shqiptarëve në Luginë.

12 Qershor 2023, 15:25 Nga f.i
Vendosi flamurin kombëtar në objektin e komunës, kryetari i
foto ilustruese

KOSOVË- Kryetari i Preshevës, Shqiprim Arifi është njoftuar nga Gjykata e Serbisë për tu paraqitur në një seancë gjyqësore. Shkak është bërë vendosja e flamurit kombëtar në hapësirat publike.

Arifi është shprehur se kjo ftesë dëshmon edhe më shumë shkeljet dhe diskriminimin që Serbia bën ndaj shqiptarëve në Luginë. Në një postim në Facebook ai është shprehur se kjo është një sfidë për Serbinë sesi na trajton.

"Sot kam pranuar një ftesë për paraqitje në gjykatën e Serbisë, me arsyetimin se kemi shkelur ligjet e këtij shteti për faktin e vendosjes së flamurit kombëtar shqiptar në hapësirë publike.  Kjo ftesë dëshmon edhe më shumë shkeljet dhe diskriminimin që Serbia ia bën shqiptarëve të Luginës, por, për flamur do të paguajmë gjithmonë,-shkruan Arifi.

Vendosja e flamurit kombëtar ishte bërë nga Arifi për nderë të 28 nëntorit. Edhe pse është e ndaluar ai prej gjashtë vitesh e ngre flamurin shqiptar në objektin e komunës.

preshev shqiprim arifi

Sondazh

Poll

MË SHUMË