Sport

Bast i fortë për mesfushorin Brahim Diaz të Milanit! Do të rikthehet te Real Madridi... dhe do të rinovojë kontratën!

Mesfushori sulmues nga Malaga, pas përfundimit të huazimit te Milani për tri sezone, do të jetë pjesë e ekipit të pare madrilen sezonin e ardhshëm

6 Qershor 2023, 18:06 Nga DOSJA
Bast i fortë për mesfushorin Brahim Diaz të Milanit! Do të

SPANJE - Brahim Diaz sezonin e ardhshëm do të jetë pjesë e ekipit të Real Madridit. Klubi madrilen dëshiron të bëjë një angazhim përfundimtar ndaj lojtarit pas tre sezonesh në huazim te Milani. Ai nuk vjen për të plotësuar skuadrën, por me një rol të rëndësishëm për trajnerin Ancelotti.

Në fakt, entiteti madrilen planifikon të rinovojë kontratën me lojtarin edhe për dy sezone të tjera, pavarësisht se mesfushori nga Malaga ka ende një kontratë dyvjeçare me entitetin e bardhë, deri në vitin 2025. Ideja e Madridit është ta rinovojë deri në vitin 2027, ashtu siç ka tashmë ka ndodhur me lojtarë të tjerë të rinj të rinovuar rishtazi.

Brahim Diaz sapo ka përfunduar huazimin e tij dy vjeçar me Milanin, i cili kishte pasur edhe një sezon të parë më herët. Në total, tre vjet me klubin 'kuqezi' në të cilin Diaz është rritur shumë, derisa në këtë sezon me numrin 10 ka arritur disa ndjesi pozitive dhe shifrat më të mira të karrierës së tij të re: shtatë gola dhe shtatë asistime në 45 ndeshje, duke përfshirë edhe një gjysmëfinale të Champions League kundër Interit.

Me Diaz, Madridi do të ketë një profil tjetër lojtari, që mund të mos e ketë: një mesfushor sulmues i gjithanshëm, i cili mund të luajë në të dyja krahët ose në korsinë e 10-të, dhe që ofron një driblim të shkurtër dhe një shkëndijë që tenton të zhbllokojë lojërat në çdo kohë. Është e vërtetë se ndoshta ai ka nevojë për më shumë prani në zonë, por aty qëndron sfida e përmirësimit të tij.

Në sezonin e tij të parë në Madrid (2018-2020), lojtari nga Malaga pati pak pjesëmarrje: 21 ndeshje, dy gola dhe tre asistime. Tani do të shohim një Brahim Díaz më të pjekur dhe për këtë arsye angazhimi i vendosur i klubit të bardhë, një angazhim që tani për tani nuk është i ngjashëm në kombëtaren spanjole, ku BD është margjinalizuar pavarësisht sezonit të tij të mirë.

B.T (Dosja.al)

Sondazh

Poll

MË SHUMË