Bota

E rëndësishme/ Zbulohen varre parahistorike në Afrikën e Jugut, datojnë 100 mijë vjet para Homo Sapiens

Paleontologu i famshëm Lee Berger njoftoi sot se ai zbuloi varrosje parahistorike në Afrikën e Jugut, më të vjetra për të paktën 100,000 vjet se ato të njohura deri më sot nga shkencëtarët.

6 Qershor 2023, 09:21 Nga I.A
E rëndësishme/ Zbulohen varre parahistorike në Afrikën e
Lee Berger 

AFRIKA E JUGUT- Ky lajm mund të tronditë nocionet mbizotëruese për evolucionin e njeriut. Paleontologu i famshëm Lee Berger njoftoi sot se ai zbuloi varrosje parahistorike në Afrikën e Jugut, më të vjetra për të paktën 100,000 vjet se ato të njohura deri më sot nga shkencëtarët.

Në një pozicion fetusi, të mbështjellë në kthina të gërmuara në fund të një rrjeti galerish të ngushta, rreth 30 metra nën sipërfaqen e tokës, paraardhësit e largët të njerëzve modernë u gjetën të fosilizuar në varret e tyre. Studiuesit zbuluan se varret ishin të mbushura me dheun që fillimisht ishte gërmuar për të hapur gropat, dëshmi, thonë ata, se trupat e këtyre hominidëve (familja e hominidëve të cilës i përket njeriu) ishin varrosur qëllimisht.

Këto janë varret më të vjetra të gjetura ndonjëherë, të paktën 100,000 vjet para varreve të njeriut të "urtë", Homo sapiens.  Gërmimet u zhvilluan në 'Djepin e Njerëzimit', një vend i Trashëgimisë Botërore të UNESCO-s që ndodhet në veriperëndim të Johanesburgut.

lee berger

Sondazh

Poll

MË SHUMË