Bota

I burgosuri më i famshëm i Rusisë feston ditëlindjen në qeli, mbështetësit e Navalnyt protestojnë në forma të ndryshme kundër regjimit të Putinit

Duke rrezikuar dënime me burg, disa nga mbështetësit e tij kanë mbajtur pankarta në duar.

4 Qershor 2023, 19:48 Nga k.m.
I burgosuri më i famshëm i Rusisë feston ditëlindjen në
Alexei Navalny

RUSI- Sot i burgosuri politik më i famshëm i Rusisë, Alexei Navalny, po feston ditëlindjen, por i izoluar. Duke rrezikuar dënime me burg, disa nga mbështetësit e tij kanë mbajtur pankarta në duar.

Policia arrestoi shpejt të paktën 20 prej tyre. Aleatët e Navalny publikuan një postim në mediat sociale në emër të tij, ku thuhej: Progresi social dhe një e ardhme më e mirë mund të arrihet vetëm nëse një numër i caktuar njerëzish janë të gatshëm të paguajnë për të drejtën për të pasur besime. Sa më shumë njerëz të tillë, aq më i vogël është çmimi që duhet të paguajë secili. Do të vijë sigurisht një ditë kur do të jetë rutinë dhe aspak e rrezikshme të thuash të vërtetën dhe të qëndrosh për drejtësi në Rusi.

Një grua që mbante një tullumbace të vogël të zezë për ditëlindje, u arrestua dhe oficerët refuzuan t’i tregonin arsyen.

Shumë persona mbështetës të Navalnyt u arrestuan gjithashtu në Shën Petersburg.

alexei navalny rusi

Sondazh

Poll

MË SHUMË