Bota

“Qindra emigrantë shqiptarë janë kthyer në atdhe”, ministri britanik: Disa janë arratisur, mijëra pritet të kthehen

Qeveria tha në prill se mbi 1000 shqiptarë ishin kthyer që nga marrëveshja e dhjetorit. Megjithatë, shifra përfshinte azilkërkuesit që nuk janë pranuar kërkesat apo dhe kthime vullnetare. Jenrick e quajti marrëveshjen një marrëveshje të standardit të artë që gjithashtu po reduktonte dukshëm numrin e njerëzve që përpiqeshin të shkonin ilegalisht në MB.

4 Qershor 2023, 12:50 Nga I.A

“Qindra emigrantë shqiptarë janë kthyer në

Robert Jenrick

ANGLI- Ministri britanik i imigracionit Robert Jenrick tha se qindra emigrantë janë kthyer në Shqipëri në bazë të marrëveshjes që është nënshkruar me vendin. Në një intervistë për Sky News, Jenrick tha se mijëra emigrantë të paligjshëm po ktheheshin në Shqipëri , përpara se të sqaronte se "qindra" ishin kthyer që nga nënshkrimi i marrëveshjes gjashtë muaj më parë. Jenrick po ashtu pranoi se shumë emigrantë të tjerë shqiptarë ishin aktualisht në hotele ose ishin arratisur.

Pyetje: Sa njerëz që kanë mbërritur me varka të vogla janë kthyer në Shqipëri?

"Mijëra shqiptarë po kthehen në Shqipëri. Epo, ka qindra shqiptarë që kanë mbërritur që janë vendosur në ato fluturime," tha ai.

Rishi Sunak dhe homologu i tij shqiptar, Edi Rama, ranë dakord në dhjetor për të rritur bashkëpunimin në tre fusha, njëra prej të cilave mbulonte luftën kundër krimit të organizuar dhe emigracionit të paligjshëm. Marrëveshja përfshinte ngritjen e një task force të përbashkët për menaxhimin e migrimit të paligjshëm të shtetasve shqiptarë në MB.

Jenrick tha gjithashtu se një marrëveshje e veçantë me Francën kishte parë një rritje të madhe në numrin e përgjimeve të varkave të vogla ku 33 mijë migrantë janë ndaluar të kalonin. Jenrick ka thënë edhe më parë se shqiptarët duhet të përjashtohen nga e drejta për të kërkuar azil.

robert jenrick shqiptaret ne angli