Bota

Blinken: Ukraina ka zmbrapsur forcat ruse nga solidariteti i NATO-s

Ai shtoi se mbështetja për Ukrainën, si dhe forcimi i mëtejshëm i aleancës së NATO-s, do të jetë fokusi i takimeve.

1 Qershor 2023, 11:04 Nga a.l
Blinken: Ukraina ka zmbrapsur forcat ruse nga solidariteti i NATO-s
Antony Blinken dhe Jens Stoltenberg

Sekretari Amerikan i Shtetit Antony Blinken se një nga aryset kryesore për suksesin e Ukrainës në zmbrapsjen e agresionit rus është solidariteti i anëtarëve të NATO-s.  Blinken foli teksa mbërriti në Oslo për një takim të ministrave të jashtëm të NATO-s, duke qëndruar pranë Sekretarit të Përgjithshëm të NATO-s, Jens Stoltenberg, shkruan CNN. 

"Ne kemi thënë që nga dita e parë se çfarë do të bënim në drejtim të mbështetjes së Ukrainës, në drejtim të presionit ndaj Rusisë dhe në drejtim të forcimit të aleancës sonë. Ne kemi bërë atë që kemi thënë. Ne do të vazhdojmë të bëjmë atë," tha Blinken.

Ai shtoi se mbështetja për Ukrainën, si dhe forcimi i mëtejshëm i aleancës së NATO-s, do të jetë fokusi i takimeve. Një pjesë e premisave të Rusisë për pushtimin e saj në Ukrainë ishte që të shmangte zgjerimin e NATO-s pranë kufijve të saj. Stoltenberg tha të enjten se nuk i takon Moskës të vendosë se kur zgjerohet aleanca, duke shtuar se aleatët e NATO-s dhe Ukraina do të vendosin kur të jetë koha e duhur që Ukraina të anëtarësohet. Muajin e kaluar, ai kishte thënë se pret që Ukraina të bashkohet me aleancën kur të përfundojë lufta. 

antony blinken jens stoltenberg

Sondazh

Poll

MË SHUMË