Bota

Petkoviç: Incidentet e 29 majit do të parandaloheshin, nëse KFOR-i nuk do lejonte kryetarët e paligjshëm të futeshin në zyra

Petkoviç ka përsëritur qëndrimin e Serbisë se, kryetarët e rinj shqiptarë të komunave në veri të Kosovës të banuara me shumicë serbe duhet të largohen nga ndërtesat komunale.

30 Maj 2023, 16:10 Nga f.i
Petkoviç: Incidentet e 29 majit do të parandaloheshin, nëse
Petar Petkoviç

SERBI- Shefi i Zyrës për Kosovën në Qeverinë e Serbisë, Petar Petkoviç ka përsëritur qëndrimin e Serbisë se, kryetarët e rinj shqiptarë të komunave në veri të Kosovës të banuara me shumicë serbe duhet të largohen nga ndërtesat komunale, dhe se Policia e Kosovës duhet të largohet nga veriu i Kosovës.

Gjatë deklaratës së tij ai ka thënë se incidentet në veri nuk do të kishin ndodhur nëse KFOR “do ta përmbushte mandatin e tij të premten, që t’i parandalonte kryetarët e paligjshëm, si dhe anëtarët e forcës speciale”, duke iu referuar njësiteve të Policisë së Kosovës.

“Serbët janë të vendosur për të mbrojtur të drejtën e tyre për të jetuar dhe mbijetuar në Kosovë, dhe Serbia e Beogradi do të vazhdojnë të jenë në mbrojtje të tyre, për të ruajtur paqen dhe stabilitetin e provincës dhe rajonit”, ka thënë mes tjerash Petkoviç.

petar petkoviç

Sondazh

Poll

MË SHUMË