Aktualitet

Korçë/ U kërkonte deri në 1 mijë euro për “kokë” emigrantëve, pranga 35-vjeçarit

Leksi Veshollari transportonte me furgon 23 emigrantë nga vendet e treta, kundrejt pagesave 300-1000 euro për person

29 Maj 2023, 09:54 Nga m.s
Korçë/ U kërkonte deri në 1 mijë euro për
foto ilustruese

KORÇË- Një 35-vjeçar është vënë në pranga nga blutë e Korçës, pasi transportonte 23 emigrantë të paligjshëm. Leksi Veshollari transportonte me furgon 23 emigrantë nga vendet e treta, kundrejt pagesave 300-1000 euro/person.

Veshollari u kap në flagrancë nga policia në afërsi të fshatit Tren, Devoll, teksa transportonte emigrantët, me destinacion final shtetet e BE-së.

Njoftimi i policisë:

Finalizohet operacioni policor i koduar “Midnight 12”, për goditjen e veprimtarisë kriminale të dhënies ndihmë shtetasve të huaj, kundrejt pagesave të konsiderueshme, për kalim të paligjshëm të kufirit. Transportonte me furgon, 23 emigrantë nga vendet e treta, kundrejt pagesave 300-1000 euro/person, kapet në flagrancë dhe arrestohet 35-vjeçari.

Sekuestrohen furgoni me të cilin po transportoheshin emigrantët dhe një celular. Specialistët për Hetimin e Trafiqeve të Paligjshme dhe Narkotikëve të DVP Korçë, në bashkëpunim me shërbimet e Komisariatit të Policisë Devoll, në bazë të informacioneve të siguruara nga inteligjenca informative, për një tjetër rast të transportimit të kundërligjshëm të emigrantëve, kanë organizuar dhe finalizuar operacionin policor të koduar “Midnight 12”, si rezultat i të cilit u arrestua shtetasi: L. V., 35 vjeç, banues në fshatin Buçimas, Pogradec.

35-vjeçari u kap në flagrancë nga shërbimet e Policisë, në afërsi të fshatit Tren, Devoll, teksa transportonte me një automjet (furgon), kundrejt pagesave 300-1000 euro/person, 23 emigrantë nga vendet e treta, me qëllim kalimin ilegal të kufirit, me destinacion final shtetet e BE-së. Në cilësinë e provës materiale u sekuestruan furgoni dhe një celular. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

transportonte emigrante

Sondazh

Poll

MË SHUMË