Aktualitet

Media prestigjioze amerikane rendit Shqipërinë ndër 12 destinacionet turistike të kësaj vere

Globalisht, udhëtimet ndërkombëtare ishin në 80% të niveleve të para-pandemisë në tremujorin e parë të 2023, dhe një verë e fortë pritet në hemisferën veriore, sipas Organizatës Botërore të Turizmit të OKB-së.

28 Maj 2023, 22:32 Nga m.s
Media prestigjioze amerikane rendit Shqipërinë ndër 12
Kruja

SHBA-Rrjeti amerikan CNN e rendit Shqipërinë ndër 12 destinacionet turistike të kësaj vere. CNN ka publikuar një foto nga qyteti i Krujës, teksa e cilëson Shqipërinë si një perlë të Mesdheut, e rendit mes vendeve si Spanja, Austria, Tailanda, Peruja, Malta apo Italia. Në shkrim thuhet se Shqipëria ka një vijë bregdetare të mrekullueshme, me plazhe të paprekura.

“Shqipëria është një perlë mesdhetare që ka të ngjarë të jetë më pak e mbushur me njerëz këtë verë sesa Greqia dhe Kroacia. Ka një vijë bregdetare të mrekullueshme me plazhe të paprekura; Butrinti, një sit i Trashëgimisë Botërore të UNESCO-s që dikur ishte një koloni greke dhe qytet romak, i braktisur më vonë gjatë Mesjetës; plus mundësi për shëtitje, ecje dhe eksplorim të jashtëzakonshëm”, shkruan CNN.

Sipas CNN, sezoni veror do të jetë në rritje, duke shënuar një tjetër sukses. Globalisht, udhëtimet ndërkombëtare ishin në 80% të niveleve të para-pandemisë në tremujorin e parë të 2023, dhe një verë e fortë pritet në hemisferën veriore, sipas Organizatës Botërore të Turizmit të OKB-së.

Kjo do të thotë se planifikimi i një pushimi veror këtë vit, mund të përbëjë një sfidë për udhëtarët, pasi fluturimet drejt shumë destinacioneve po mbushen dhe disa linja ajrore po paguajnë bileta rekord. Po ashtu, sipas CNN, edhe hotelet dhe pronat me qira janë rezervuar në vendet e njohura. Ndaj këshillon se nëse ende po mendoni të bëni një pushim veror, veproni shpejt dhe merrni parasysh idetë e listuara të 12 destinacioneve për të shijuar pushimet.

shqiperia destinacion turistik

Sondazh

Poll

MË SHUMË