Bota

Kurti flet pas tensioneve në veri dhe kritikave të SHBA-së dhe QUINT-it: E kemi mbështetjen e ndërkombëtarëve

Këto tensione e kanë vënë Qeverinë e Kosovës dhe kryeministrin, Albin Kurti në qendër të kritikave që nga Depratamenti i Shtetit, Sekretari i Shtetit, Antony Blinken, shtetet e QUINT-ti, e të shumë analistë në Kosovë.

27 Maj 2023, 21:28 Nga I.A

Kurti flet pas tensioneve në veri dhe kritikave të SHBA-së dhe

Albin Kurti

KOSOVË- Tensione u krijuan gjatë asistimit nga ana Policisë së Kosovës të kryetarëve të komunave në veri të vendit për të ushtruar të drejtën e tyre në punë në objektet e komunave përkatëse. Këto tensione e kanë vënë Qeverinë e Kosovës dhe kryeministrin, Albin Kurti në qendër të kritikave që nga Departamenti i Shtetit, Sekretari i Shtetit, Antony Blinken, shtetet e QUINT-ti, e të shumë analistëve në Kosovë. Pavarësisht kritikave të shumta që mori Kurti, ai tha se e ka mbështetjen e ndërkombëtarëve dhe mirë po shkon puna.

“Unë iu bashkangjita dhe e falenderoj shumë për ftesën. Por, sa i përket ditës së djeshme ajo çfarë është e rëndësishme të theksohet është që krejt çka kemi synuar ne si Qeveri dhe institucione të Republikës, është të mundësojmë që kryetarët e komunave të zgjedhur në zgjedhjet demokratike të kenë qasje dhe të punojnë në zyrat e tyre, ku duhet t'i shërbejnë të gjithë qytetarëve pa dallim feje, etnie e prejardhje. Dhe besoj që për këtë do ta kemi mbështetjen e të gjithë faktorëve ndërkombëtarë…E kemi mbështetjen e ndërkombëtarëve dhe mirë po shkon puna”, ka thënë Kurti.

Çfarë ndodhi në Veri të Kosovës?

Një ditë para në të 4 komunat me shumicë serbe në veri të Kosovës, u dëgjuan sirena alarmi, para objekteve komunale në Zubin Potok, Zveçan dhe Leposaviç u mblodhën edhe qytetarë. Situata u agravua ndërsa u dëgjuan të shtëna me armë zjarri dhe u hodh gaz lotsjellës nga policia për të shpërndarë protestuesit të cilët dogjën edhe makina. Protesta u zhvillua në shenjë revolte nga protestuesit serbë kundrejt kryetarëve të rinj shqiptarë të zgjedhur në katër komunat me shumicë serbe.

antony blinken albin kurti tensione në veri të kosovës