Bota

Ushtria gjermane nxjerr në shitje tonelata me letër higjienike

Gjendja e stoqeve të Bundeswehr-it të armatimit dhe pajisjeve dhe pajisje të tjera ka qenë një çështje shqetësuese në Gjermani.  

22 Maj 2023, 18:51 Nga a.l

 

Ushtria gjermane nxjerr në shitje tonelata me letër higjienike
Letër higjenike

GJERMANI- Ushtria gjermane po nxjerr në shitje mbi 10,000 rrotulla letre higjienike që nuk përshtaten me dispenzuesit e rinj në objektet e Bundeswehr-it. Sipas një postimi në platformën e ankandit online Vebeg, i cili u mor nga rrjeti televiziv gjerman RTL, Bundeswehr po ofron gjithsej 12 paleta letre higjienike të ruajtura në 360 kuti që kanë një peshë transporti mbi 3 tonë.

Ndërsa është e paqartë se kur është postuar saktësisht reklama, ankandi është planifikuar të zgjasë deri më 31 maj. Ofertuesi fitues do të jetë në gjendje të marrë letrën higjienike, e cila është prodhuar nga kompania me qendër në Suedi, Tork, në kazermën ushtarake në qyteti Wesel, jo shumë larg Munsterit në pjesën veriperëndimore të vendit.

Blerësit e mundshëm do të duhet të regjistrohen në departamentin ushtarak ku ruhet inventari përpara se të vijnë në lokalet për ta marrë ose parë atë.  Ushtria gjermane i tha RTL se shitja vjen për shkak të ndërrimit të shpërndarësve të letrës higjienike në objektet sanitare të Bundeswehr-it në copa të bëra nga një kompani tjetër.

“Megjithatë, letra higjienike nga kompania e parë nuk mund të përdoret në një shpërndarës universale të higjienës”, tha një zëdhënës i Bundeswehr-it për median.

Sipas RTL, ushtria gjermane ka nxjerrë në shitje edhe tonerët e printerëve, tavolinat dhe laptopët, shkruajnë mediat e huaja. Gjendja e stoqeve të Bundeswehr-it të armatimit dhe pajisjeve dhe pajisje të tjera ka qenë një çështje shqetësuese në Gjermani.  

 

 

leter higjenike

Sondazh

Poll

MË SHUMË