Bota

Më shumë se 100 laureatë të çmimit 'Nobel' kërkojnë lirimin e Ales Byalyatskit

Laureatët nënshkruan një letër, në të cilën aktivisti bjellorus për të drejtat e njeriut përshkruhet si simbol shprese dhe frymëzimi për kolegët në mbarë botën

22 Maj 2023, 10:05 Nga f.i
Më shumë se 100 laureatë të çmimit 'Nobel'
Ales Byalyatski

SHBA- Më shumë se 100 laureatë të çmimit Nobel, duke përfshirë Kazuo Ishiguro, Olga Tokarczuk dhe JM Coetzee, person kërkuan lirimin e aktivistit bjellorus, Ales Byalyatski. Apeli për lirimin e tij është publikuar në faqen e klubit ndërkombëtar PEN International.

Mediat e huaja raportojnë se laureatët nënshkruan një letër, në të cilën aktivisti bjellorus për të drejtat e njeriut përshkruhet si simbol shprese dhe frymëzimi për kolegët në mbarë botën. Në mesin e nënshkruesve janë laureatët e çmimit në kimi, mjekësi dhe fiziologji, fizikë, ekonomi, letërsi dhe paqe. Dy laureatëastronomi 87-vjeçar Robert Woodrow Wilson dhe mikrobiologu 91-vjeçar Hamilton Smith e fituan çmimin në vitin 1978. Midis nënshkruesve janë dy rusë, fituesi i Çmimit të Paqes Dmitry Muratov dhe fizikani Konstantin Novosyolov.

Në letër theksohet se Byalyatski “ia kushtoi jetën e tij promovimit të demokracisë dhe të drejtave të njeriut në Bjellorusi” duke “guxuar të thërriste Aleksandër Lukashenkan të jepte llogari për shtypjen e tij të pamëshirshme, të vazhdueshme dhe sistematike të zërave të pavarur”. 

Ales Byalyatski u burgos në vitin 2011 për evazion fiskal të supozuar nga qeveria dhe u lirua në vitin 2014. Por në vitin 2021, dymbëdhjetë muaj pas zgjedhjeve çuan në protesta kundër diktaturës së Lukashenkos, Bialiatski u burgos përsëri.  Çmimi Nobel iu dha në lidhje me të në vitin 2022, gjatë ndalimit të tij. Që atëherë, ai është dënuar me 10 vjet burg.

ales byalyatskit

Sondazh

Poll

MË SHUMË