Bota

Tragjedia e trenave në Greqi/ Një ngatërresë solli aksidentin, publikohet audio: Do e lë të ikë 63-shin se po ulërasin njerëzit

Një ngatërresë në komunikim mes drejtuesit të trafikut të OSE Athinë, bashkë me drejtuesin e stacionit që ndodhej në turn në momentin e tragjedisë shkaktoi aksidentin.

19 Maj 2023, 20:56 Nga f.i
Tragjedia e trenave në Greqi/ Një ngatërresë solli
aksidenti i trenave

GREQI- Detaje të reja janë zbardhur nga aksidentin tragjik i përplasjes së trenave në Greqi ku humbën jetën 57 persona mes tyre 6 shqiptarë. Sipas një audio të publikuar së fundmi nga media greke Zouglas, një ngatërresë në komunikim mes drejtuesit të trafikut të OSE Athinë, bashkë me drejtuesin e stacionit që ndodhej në turn në momentin e tragjedisë shkaktoi aksidentin.

Në audion e publikuar, Vassilis Samaras (drejtori i stacionit), i thotë Pantelis Koukas (drejtor i OSE): Do ta lë të ikë 63-ish, sepse njerëzit po ulërasin se ka vonesë. Por siç duket vetëm pak momente më pas ai e ka kuptuar se treni ishte futur në shinat e gabuara dhe me një ton alaermues i drejtohet duke thënë: Joooo!

Autoritet shpjegojnë se dëgjimi i audios kanë dalë në konkluzionin se kreu i Athinës e kupton gabimin në momentin kur punonjësi i tij i ka mbyllur telefonin dhe në thelb nuk ka pasur fare marrëveshje. Sipas tyre çështja nuk është se cili tren mori dritën jeshile dhe cili tren tjetër ndaloi. Çështja është mënyra sesi janë marrë vendimet në pak sekonda, ndërkohë që mesa duket të dyja palët kanë nxituar të mbyllin telefonin.

Ngjarja e rëndë ndodhi pak para mesnatës së të martës në 28 shkurt në Greqi. Dy trena u përplasën me njëri-tjetrin duke shkaktuar një zjarr që u mori jetën 57 personave. Një tren me 350 pasagjerë që po udhëtonte nga Athina drejt Selanikut u përplas me një tren mallrash. Shkak për shpërthimin e zjarrit dyshohet se është bërë prerja e një kablli elektrik në njërën prej vagonët të trenit me pasagjerë që në momentin e përplasjes ka rezultuar fatal.

tragjedia e trenave ne greqi

Sondazh

Poll

MË SHUMË