Aktualitet

Gjuante me shkelma e shuplaka fëmijën, policia reagon 24 orë pas publikimit të ngjarjes: S'e kemi identifikuar nënën dhunuese

Dhunimi i fëmijës u dokumentua nga një video e publikuar nga JOQ një ditë më parë.

17 Maj 2023, 18:13 Nga F.M
Gjuante me shkelma e shuplaka fëmijën, policia reagon 24 orë pas
Nëna dhunon fëmijën

DURRËS- Policia e Durrës ka reaguar 24 orë pas publikimit të pamjeve ku një nënë shihej teksa dhunonte fëmijën e saj. Në njoftimin e policisë bëhet medije se gruaja në fjalë nuk është identifikuar ende. Policia bën me dije se ka grumbulluar pamjet filmike të kamerave të sigurisë, por nuk ka arritur të bëjë identifikimin e gruas. Dhunimi i fëmijës u dokumentua nga një video e publikuar nga JOQ një ditë më parë. Gruaja në fjalë shihej teksa tërhiqte zvarrë fëmijën dhe e dhunonte. 

Njoftimi i policisë Durrës: 

Specialistët për Hetimin e Krimeve të Komisariatit të Policisë Durrës kanë referuar materialet në Prokurorinë e Durrësit, për veprën penale “Keqtrajtimi i të miturve”. Shërbimet e Komisariatit të Policisë Durrës, menjëherë pas publikimit në rrjetet sociale, të videos ku shfaqej një shtetase duke ushtruar dhunë ndaj fëmijës së saj të mitur, kanë organizuar punën në bashkëpunim me shërbimet e DVP Durrës, për identifikimin, kapjen dhe shoqërimin e shtetases që shfaqet në video. Vijojnë kërkimet, po kqyren kamerat dhe po grumbullohet informacion për të bërë të mundur identifikimin e shtetases. Policia e Durrësit falenderon mediat që denoncojnë rastet e paligjshmërisë dhe i fton që të bashkëpunojnë me strukturat e Policisë, për vënien përpara përgjegjësisë ligjore të autorëve të rasteve të paligjshmërive që ata ndeshin gjatë punës së tyre.

 

nena rreh femijen policia e durresit

Sondazh

Poll

MË SHUMË