Aktualitet

Burg për drejtorin e Kadastrës/ Braçe: Prokurori, presion për legalizime në favor të bandave te Gjiri i Lalzit

4 Tetor 2019, 09:10 Nga DOSJA
Burg për drejtorin e Kadastrës/ Braçe: Prokurori, presion

DURRËS- Një ditë pasi kryeministri Edi Rama foli nga Kuvendi për një prokuror që punon për grupet kriminale në qytetin e Durrësit, Erion Braçe, zgjodhi të fliste hapur.  Zv.kryeministri mori pjesë sot në seancën gjyqësorë që u zhvillua sot në Gjykatën e Durrësit, ku u dha masa e sigurisë “Arrest me burg”, për ish-drejtorin e Kadastrës Liridon Pula, i cili u arrestua pak ditë më parë për “Shpërdorim Detyre”. Në përfundim të seancës, Braçe tha se prokurori Arjan Ndoj i ka bërë presion Pulës, dhe e ka akuzuar për çështje që nuk i përkasin. Braçe tha se prokurori bën presion pasi kërkon të legalizohen ndërtimet monstruoze që janë bërë nga Gjiri i Lalzit deri në Durrës, që sipas tij janë ndërtuar nga bandat dhe prokurori i ka bërë presion drejtorit të Kadastrës.

“Liridon Pula akuzohet për çështje që nuk i përkasin. Është absurde që një nënpunës i shtetit të jetë nën presionin e një prokurori që punon për grupet kriminale”.-tha Braçe.

Liridon Pula u arrestua në zyrë nën akuzat për “Shpërdorim Detyre”, ndërsa u shpall në kërkim edhe ish-drejtori i Legalizimeve, Flamur Gjuzi, për “Shpërdorim Detyre”. Në vend të Pulës është vendosur Arjan Cengu. Kohët e fundit në Kadastrën e Durrësit, por dhe në qytete të tjera në Shqipëri ka pasur lëvizje të shumta, po ashtu ka pasur dhe përplasje. Në Vlorë për disa ditë drejtori i shkarkuar nuk liroi zyrën, duke krijuar një situatë të paprecedentë. Ndërkohë kanë nisur dhe hetimet për disa zyrtarë të Kadastrës në Vlorë.

(F.G;J.V/Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet arjan ndoj burg për liridon pulën erion brace kadastra durres liridon pula arjan ndoj burg për liridon pulën erion brace kadastra durres liridon pula

Sondazh

Poll

MË SHUMË