Politike

'Dilni votoni masivisht'/ Këlliçi: Kemi hyrë në finale na mbetet vetëm për të fituar

Në një deklaratë për mediat ai u shpreh se, 40% e qytetarëve deri më tani kanë marrë pjesë në votime, ndërsa ka kërkuar pjesëmarrje më të lartë të votuesve orën e fundit të zgjedhjeve. 

14 Maj 2023, 17:47 Nga a.l
'Dilni votoni masivisht'/ Këlliçi: Kemi hyrë në
Belind Këlliçi

TIRANË- Kandidati i koalicionit 'Bashkë Fitojmë' për bashkinë Tiranë, Belind Këlliçi u bën thirrje qytetarëve të Tiranës të votojnë masivisht deri në orën 19:00. Në një deklaratë për mediat ai u shpreh se, 40% e qytetarëve deri më tani kanë marrë pjesë në votime, ndërsa ka kërkuar pjesëmarrje më të lartë të votuesve orën e fundit të zgjedhjeve. 

DEKLARATA E PLOTË:

Janë 90 minuta që në fakt kërkojnë impenjimin tuaj, për të dalë e për të votuar, për të ndërruar 4 vitet e ardhshme. Establishmenti dhe të korruptuarit nuk duan që ju të merrni pjesë në votim.
Ndaj i drejtoj një thirrje nga zemra të gjithë qytetarëve, në qytet, në fshat, të rinjve e të rejave; dilni e merrni pjesë masivisht në votim deri në orën 19:00. Është një shans që nuk do të na vijë më për 4 vitet e ardhshme për të ndryshuar fatet e kryeqytetit tonë.

Është një shans i artë, një mundësi e veçantë që duhet ta kapi çdo i ri dhe e re në qytet. Është një shans për të gjithë të moshuarit, pensionistët për qytetarët, sidomos për ata që janë në zona rurale dhe që janë lënë të harruar prej vitesh e vitesh me radhë. Dilni e merrni pjesë në këtë proces votimi sepse është e një rëndësie jetike për kryeqytetin.
Shifrat tregojnë se jemi në kufijtë e 40% të pjesëmarrjes do të duhet që të kalojmë këtë shifër, duke e rritur pjesëmarrjen. U bëj thirrje naquve dhe njëherë edhe cakëve të Tiranës dhe të gjithë atyre që jemi takuar, jemi parë në sy, kemi folur me njëri tjetrin dhe kemi thënë se kur do të afrojë 14 maji. Epo 14 maji është sot kemi hyrë në finale.
Finalja po luhet, tashmë mbetet vetëm për të fituar. Dilni merrni pjesë në votime le ta shndërrojmë këtë ditë në një ditë feste të jashtëzakonshme për Tiranën, për kryeqytetin tonë dhe të ardhmen e të gjithë të rinjve në Tiranë.
Dilni e votoni, ndryshimi është në duart tuaja. Votoni! 

zgjedhjet lokale 14 maj 2023

Sondazh

Poll

MË SHUMË