Politike

'PENGMARRJA vazhdon'/ Beleri u la në burg, Dule: Proces i projektuar dhe i ekzekutuar nën urdhërat e Ramës!

Ai u shpreh për mediat se pengmarrja e Belerit ende vijon, duke bërë që Himara të mbetet peng i Ramës.

13 Maj 2023, 13:44 Nga A.B
'PENGMARRJA vazhdon'/ Beleri u la në burg, Dule: Proces i
Vangjel Dule

VLORË- Kreu i PDBNJ-së, Vangjel Dule e quan vendimin e gjykatës për Fredi Belerin si një proces që është projektuar nga kryeministri Edi Rama. Ai u shpreh për mediat se pengmarrja e Belerit ende vijon, duke bërë që Himara të mbetet peng i Ramës.

"Dëshiroj që t'ju falenderoj për interesimin. Së bashku do t'ju drejtoj, jeni dëshimtarë të një procesi parodik, në të gjithë fazat dhe etapat e tij. është një proces i projektuar dhe i ekzekutuar nën urdhërat e Ramës. Pengmarrja e Belerit vazhdon. Askush nuk duhet të ketë iluzion, ndërsa Rama vazhdon ta mbajë peng votën e Himariotëve-tha Dule.

Beleri u arrestua pak pas mesnate të premten, para lokalit të tij bashkë me një person tjetër nën akuzën për blerje votash për zgjedhjet që pritet të mbahen nesër. Forca të shumta policie morën pjesë në prangosjen e tij, që u bë me urdhër të SPAK. Vetë Beleri dhe të tjerët, kanë mohuar që të jenë përfshirë në shkelje të tilla, si blerja e votave. Sipas policisë, hetimet nisën 4 ditë më parë pas informacioneve se disa persona iu ofronin qytetarëve të ndryshëm, shuma të caktuara parash kundrejt dhënies së votës për një nga kandidatët konkurrues./Dosja.al

vangjel dule arrestohet fredi beleri

Sondazh

Poll

MË SHUMË