Bota

Autobusi përplaset me kosheret në Nikaragua, gjashtë persona ndërrojnë jetë pasi u pickuan nga bletët

Bletët afrikane janë zakonisht më mbrojtëse, më të shpejta për të reaguar dhe për të ndjekur njerëzit më tej se varietetet e tjera të bletëve

11 Maj 2023, 08:36 Nga m.s
Autobusi përplaset me kosheret në Nikaragua, gjashtë persona
foto ilustruese

AMERIKË- Gjashtë persona të cilët janë pickuar nga "bletët vrasëse" kanë ndërruar jetë, ndërsa autobusi ku ata udhëtonin u përplas me kosheret në Nikaragua. "Sky News" raporton se gjashtë persona, përfshirë një vajzë tetë vjeçare kanë ndërruar jetë, pasi thuhet se u sulmuan nga “bletët vrasëse”. Rreth 60 pasagjerë ishin në bordin e automjetit, ndërsa udhëtonte nga Jinotega në San Sebastian de Yali kur doli nga rruga, dhe u përplas në një zonë ku bletët afrikane mbaheshin në koshere, raportojnë mediat lokale. Insektet, të njohura si “bletët vrasëse”, thumbuan 45 pasagjerë që u zvarritën nga autobusi.

Banorët vendas ndihmuan viktimat përpara se të mbërrinte zjarrfikësja dhe stafi i Ministrisë së Shëndetësisë. Fotot treguan të mbijetuarit me qindra njolla të kuqe mbi trupin e tyre. Fillimisht u raportua se katër persona kishin vdekur, pasi u pickuan të hënën, por më vonë u konfirmuan edhe dy të tjerë që kishin ndërruar jetë në spital.

Viktimat janë: Andrea Carolina, 8 vjeç dhe nëna e saj Eneyda Torrez Zelaya, 47 vjeç. Kenia Jazmin Soza Bonilla, 19 vjeç, Reyna Isabel Olivas Montalvan, 84 vjeç, Dilcia Flores Amparo, 32 vjeç dhe Santos Arnulfo Calderon Castellon, 38 vjeç.

Nga ky aksident kanë mbetur të plagosur edhe 14 persona të tjerë. Mes tyre ishte edhe një djalë 4 vjeçar, i cili u dërgua në spital dhe ndodhet në gjendje të rëndë.

Bletët afrikane janë zakonisht më mbrojtëse, më të shpejta për të reaguar dhe për të ndjekur njerëzit më tej se varietetet e tjera të bletëve. Bletët afrikane kanë vrarë rreth 1000 njerëz, ku kanë pësuar thumbime 10 herë më shumë sesa nga bletët evropiane. /Dosja.al

nikaragua blete

Sondazh

Poll

MË SHUMË