Politike

Berisha: Kandidatët e Edi Ramës takohen me grupet mafioze dhe shpërndajnë para

Kreu i Partisë Demokratike shtoi se ata meritojnë të jenë në burg për këtë gjë. 

10 Maj 2023, 20:33 Nga F.M
Berisha: Kandidatët e Edi Ramës takohen me grupet mafioze dhe
Sali Berisha

TIRANË- Kryedemokrati Sali Berisha ka deklaruar se kandidatët e kryeministrit Edi Rama takohen me mafiozët para zgjedhjeve lokale. Në një deklaratë në vijim të fushatës elektorale, Berisha tha se ata shpërndajnë para për të blerë vota. Kreu i Partisë Demokratike shtoi se ata meritojnë të jenë në burg për këtë gjë. 

"Me 14 maj përballen pra, dy platforma. Përballen idealistët e Durrësit dhe të Shqipërisë, që besojnë se liritë dhe të drejtat duhet të respektohen. Që besojnë se pushteti në një dorë është jo dramë, por është tragjedi kombëtare. Që besojnë se qytetari duhet të jetë në epiqendër të qeverisjes. Çfarë ndodh këto kohë? Ku janë kandidatët e Edi Ramës, bodrumeve. Nuk takohen me qytetarët, takohen me punonjësit e tyre, takohen me grupet mafioze, shpërndajnë para. E dinë se vendin e kanë në burg për krimet që kanë kryer dhe atje do të shkojnë. Edi Rama ka vjedhur shqiptarët më shumë se të gjithë pushtuesit e marrë së bashku. Edi Rama ka vendosur mbi shqiptarët tiraninë e varfërisë, tiraninë e mjerimit. Edi Rama nuk ka të ardhme,"- tha Berisha ndër të tjera. 

 

sali berisha fushata 2023

Sondazh

Poll

MË SHUMË