Bota

Shefi i OKB-së pesimist për 'paqe' Ukrainë-Rusi: Nuk besoj se do të ketë negociata! Të dyja palët e shohin veten fituese

Në një intervistë për gazetën spanjolle El Pais, Guetteres tha se OKB-ja po përqendrohej në bisedimet me Rusinë dhe Ukrainën për të zgjidhur problemet konkrete si zgjatja e marrëveshjes së grurit të Detit të Zi që është caktuar të skadojë më 18 maj.

9 Maj 2023, 16:59 Nga a.l
Shefi i OKB-së pesimist për 'paqe' Ukrainë-Rusi: Nuk
Antonio Guetteres

Sekretari i Përgjithshëm i OKB-së Antonio Guterres tha se nuk sheh asnjë mundësi për arritjen e një armëpushimi gjithëpërfshirës në luftën në Ukrainë pasi të dyja palët janë të bindura se mund të fitojnë. Në një intervistë për gazetën spanjolle El Pais, Guetteres tha se OKB-ja po përqendrohej në bisedimet me Rusinë dhe Ukrainën për të zgjidhur problemet konkrete si zgjatja e marrëveshjes së grurit të Detit të Zi që është caktuar të skadojë më 18 maj.

“Fatkeqësisht, unë besoj se në këtë fazë, një negocim paqe nuk eshte e mundur. Të dyja palët janë të bindura se mund të fitojnë. Për momentin, nuk shoh asnjë mundësi për të arritur menjëherë – nuk po flasim për të ardhmen – një armëpushim gjithëpërfshirës, ​​një negociatë paqeje”, tha Guterres. 

Forcat ruse filluan një sulm të ri në Ukrainë të martën, ndërsa Rusia përkujtoi humbjen e Gjermanisë naziste në vitin 1945, me mbrojtjen ajrore ukrainase duke shkatërruar 23 nga 25 raketat e lëshuara, kryesisht në kryeqytetin Kiev. 

Sulmi i pestë në maj erdhi një ditë pasi Rusia nisi tufën e saj më të madhe të dronëve në muaj, duke sulmuar Kievin dhe qytetin e Detit të Zi, Odesa, ndërsa Ukraina përgatitet për një kundërofensivë masive, shkruajnë mediat e huaja. 

Kur u pyet në lidhje me përpjekjet ndërmjetësuese të Kinës ose presidentit brazilian Lula, Guterres theksoi se paqja në krizë nuk mund të arrihet për momentin, ndërsa shpresonte se mund të në të ardhmen.

antonio guetteres

Sondazh

Poll

MË SHUMË