Aktualitet

1 minutë heshtje për Xhesikën/ Flasin miqtë e 16-vjeçares që u vra nga babai në Itali: Ajo ishte plot diell dhe dritë

Shokët e tij qajnë para institucionit arsimor, flasin me njëri-tjetrin, i tregojnë njëri-tjetrit se çfarë ka ndodhur dhe vazhdojnë të pyesin veten pse.

9 Maj 2023, 00:05 Nga k.m.
1 minutë heshtje për Xhesikën/ Flasin miqtë e
Jessica

ITALI- “Një vajzë e sjellshme. Studionte dhe ishte shumë e lidhur me nënën dhe vëllain e vogël”,-kështu e kujton Marika Xhesikën 16-vjeçaren, e vrarë nga i ati teksa përpiqej të mbronte nënën e saj. Marika ndjek të njëjtën shkollë si Jessica, Liceo Classico "Fiani-Leccisotti" në Torremaggiore. Sipas medias italiane, studentët ishin të gjithë në shok mëngjesin e sotëm: shumë lot dhe shumë kujtime me  Xhesikën, modelen por studente, por edhe shumë e rezervuar.

Shokët e tij qajnë para institucionit arsimor, flasin me njëri-tjetrin, i tregojnë njëri-tjetrit se çfarë ka ndodhur dhe vazhdojnë të pyesin veten pse.

“E kam njohur nga që shkolla fillore - vazhdon Marika - ne kemi shkuar në të njëjtën klasë, pastaj në shkollë të mesme kemi përfunduar në klasa të ndryshme. Unë zgjodha një rrugëtim tjetër. Ajo ishte në Terza A. Klasa e saj është afër meje dhe shpesh përshëndesnim dhe flisnim. Ajo ishte shumë studioze. Morrte pjesë në të gjitha projektet e organizuara nga shkolla. Ndonjëherë flisnim për muzikën, por ajo ishte një vajzë shumë private. Ajo nuk fliste për çështjet personale."

Klima e dhimbjes dhe e dëshpërimit është pothuajse e prekshme para shkollës, ka fëmijë të tërhequr dhe të përlotur.

“Më dhemb kur e kujtoj,"– thotë Françeska që nuk i mban dot lotët, ndërsa shton: E shihja çdo ditë. Gjithmonë me diell. Nje vajzë shumë e mirë. Nuk është e drejtë. Nuk është e drejtë.

Në gjimnazin e Xhesikës u mbajt një moment heshtje të hënën në mëngjes për të kujtuar viktimën e re.

“Xhesi jeton brenda nesh. X gjithmonë 3A,"-ky mbishkrim i shoqëruar me një zemër, i bërë në një pankartë nga miqtë e klasës së Xhesikës u vendos në kangjellat e shkollës. Atje ku sot mungoi vajza shqiptare. 

Si ndodhi masakra?

45-vjeçari me profesion bukëpjekës dyshonte se bashkëshortja e tradhëtonte me një italian të identifikuar si Massimo De Santis, 51 vjeç. Për këtë arsye, dyshja ishin konfliktuar shumë herë, por sherri kulmoi një natë më parë kur shqiptari i zuri pritë në shkallë italianit. Ai e qëlloi 51-vjeçarin me një thikë kuzhine dhe e la të mbuluar në gjak në shkallë ku dhe ndërroi jetë. Më pas, me të njëjtën thikë të lyer me gjak, u fut në banesë ku u konfliktua me të shoqen. Dyshja nisën të konfliktoheshin fizikisht. Ai qëlloi gruan me thikë e më pas nisi të qëllonte të bijën, vetëm 16 vjeçe, për të cilën gjithashtu thotë se është ngacmuar nga italiani. Adoleshentja ndërroi jetë në vend, ndërsa gruaja ndodhet në spital, jashtë rrezikut për jetën. I vetmi që shpëtoi ishte djali 5-vjeçar. Taulant Malaj i filmoi të tre dhe videon me trupat e tyre të mbuluar në gjak ua dërgoi të afërmve. Në sfond dëgjohet të shante të shoqen dhe të thoshte se do të vijonte t’i masakronte me thikë, pasi policia nuk kishte mbërritur ende në vendngjarje.

masakra e shqiptarit ne itali

Sondazh

Poll

MË SHUMË