Bota

Lufta në Ukrainë/ Kievi: Kemi stërvitur 10 mijë operatorë për dronët

Ukraina tashmë ka gati 10 mijë operatorë të stërvitur për drejtimin e dronëve, në kuadër të projektit për krijimin e “Ushtrisë së Dronëve”.

5 Maj 2023, 09:45 Nga f.i
Lufta në Ukrainë/ Kievi: Kemi stërvitur 10 mijë
foto ilustruese

UKRAINË- Zëvëndës kryeministri Mykhailo Fedorov deklaroi se Ukraina tashmë ka gati 10 mijë operatorë të stërvitur për drejtimin e dronëve, në kuadër të projektit për krijimin e “Ushtrisë së Dronëve”. Mediat e huaja raportojnë se forcat ukrainase dhe ruse po lëshojnë mjete fluturuese të kontrolluara në distancë karshi njëra-tjetrës, të mbushura me eksploziv, që po shkaktojnë dëme të mëdha në infrastrukturë.

“Momentalisht kemi përfunduar pjesën e parë të projektit, atë të stërvitjes së pilotëve. Gjatë kësaj periudhe kemi stërvitur 10 mijë ushtarë”, tha Fedorov.

Ndërkohë pas sulmit të pretenduar në muret e Kremlinit, një tjetër dron u rrëzua nga mbrojtja ruse pranë bazës ushtarake në Sebastopol. Nga shpërthimi i tij nuk raportohet për dëme apo të lënduar. Kievi nga ana tjetër ka konfirmuar rrëzimin e një droni në mbrëmje në kryeqytet. Mjeti fluturues “Bayraktar TB2” shkaktoi shpërthim të fuqishëm, por konfirmohet se ai i përkiste ushtrisë vendase dhe kishte dalë nga kontrolli. Sipas forcës ajrore ukrainase, që droni të mos shkaktonte probleme te civilët, u asgjësua.

 

lufta ne ukraine

Sondazh

Poll

MË SHUMË