Bota

FOTO/ Europol megaoperacion kundër tregtimit të veprave të artit, sekuestrohen mbi 11 mijë artefakte të vjedhura

60 persona janë arrestuar dhe 11,049 artefakte të vjedhura janë mundur të rikuperohen sërish, pas një superoperacioni ndërkombëtar kundër tregut të zi të artit në 14 vende evropiane. 

4 Maj 2023, 20:00 Nga I.A
FOTO/ Europol megaoperacion kundër tregtimit të veprave të artit,
Artet e vjedhura

SPANJË- Europol ka përfunduar një operacion ndërkombëtar për vjedhje arti. 60 persona janë arrestuar dhe 11,049 artefakte të vjedhura janë mundur të rikuperohen sërish, pas një superoperacioni ndërkombëtar kundër tregut të zi të artit në 14 vende evropiane. Nga këto, 13 objekte arkeologjike u sekuestruan nga posta në Bosnje dhe Hercegovinë.

Operacioni me emrin Pandora VII u drejtua nga Guardia Civil e Spanjës, me mbështetjen e Europol dhe Interpol. Gjatë operacionit janë kryer disa mijëra kontrolle në aeroporte, porte dhe pika kufitare të ndryshme, si dhe në shtëpi ankandesh, muze dhe shtëpi private.

Si pjesë e Pandora VII, dy javë patrullime kibernetike u organizuan në maj dhe tetor të vitit të shkuar, me mbi 8,495 kontrolle nëpërmjet internetit. Po ashtu, u sekuestruan 4017 sende të vjedhura. Rreth 130 hetime janë ende në vazhdim, me konfiskime dhe arrestime të tjera që priten teksa agjentët në mbarë botën kërkojnë për ata që prishin dhe shkatërrojnë trashëgiminë kulturore.

europol interpol pandora vii

Sondazh

Poll

MË SHUMË