Aktualitet

EMRI/ I shpallur në kërkim për lëndë narkotike, arrestohet 46-vjeçari i dënuar me 7 e gjysëm burg

Bushi u arrestua në rrugën 'Haxhi Dalliu' në Tiranë dhe u vendos në paraburgim në pritje që të dërgohet në qendrën ku do të vuaj dënimin e tij.

4 Maj 2023, 15:15 Nga I.A
EMRI/ I shpallur në kërkim për lëndë narkotike,
I arrestuari

TIRANË- Një 46-vjeçar është arrestuar në Tiranë pasi ishte shpallur në kërkim. Mësohet se Marko Bushi ishte dënuar me 7 vite e 6 muaj burg për lëndë narkotike. Bushi u arrestua në rrugën 'Haxhi Dalliu' në Tiranë dhe u vendos në paraburgim në pritje që të dërgohet në qendrën ku do të vuaj dënimin e tij.

Njoftimi i Policisë:

Tiranë Finalizohet operacioni policor i koduar "Decision", për kapjen e një shtetasi në kërkim. I kërkuari, i dënuar me 7 vjet e 6 muaj burgim, për veprimtari kriminale në fushën e narkotikëve. Shërbimet e Seksionit të Kërkimit të DVP Tiranë, në vijim të punës për lokalizimin, kapjen dhe vënien përpara përgjegjësisë penale të shtetasve të shpallur në kërkim, bazuar dhe në informacionet e siguruara në rrugë operative, për vendndodhjen e një shtetasi të shpallur në kërkim, organizuan dhe finalizuan operacionin policor të koduar "Decision".

Si rezultat i këtij operacioni, në rrugën "Haxhi Dalliu", u bë kapja dhe ndalimi i shtetasit në kërkim Marko Bushi, 46 vjeç, banues në Tiranë. Gjykata e Posaçme e Apelit për Korrupsionin dhe Krimin e Organizuar e ka dënuar 46-vjeçarin, me 7 vjet e 6 muaj burgim, për veprimtari kriminale në fushën e narkotikëve. Materialet i kaluan Prokurorisë, për veprime të mëtejshme.

 

marko bushi

Sondazh

Poll

MË SHUMË