Sport

Jordi Cruyff nuk e ka të qartë: të vazhdojë të qëndrojë, apo të largohet nga Barcelona

Drejtorit sportiv të Barcelonës i përfundon kontrata më 30 qershor

3 Maj 2023, 12:52 Nga DOSJA

Jordi Cruyff nuk e ka të qartë: të vazhdojë të

SPANJE - Këtë të martë, Barcelona njoftoi largimin e Mateu Alemany, si drejtor i futbollit të entitetit. Ai do të lërë zyrtarisht detyrën më 30 qershor për të shkuar te Aston Villa. Por ky mund të mos jetë i vetmi largim për Departamentin e Sporteve të Barçës, pasi edhe Jordi Cruyff po mendon të largohet nga klubi në fund të sezonit. Drejtorit aktual sportiv të klubit i përfundon kontrata në qershorin e ardhshëm dhe nuk është e qartë se ai do të rinovojë.

Me largimin e Alemany është thyer treshja e formuar, së ​​bashku me Xavi Hernández. Tre persona që punonin shumë mirë së bashku, pasi kishte një marrëdhënie shumë të mirë mes tyre. Në këto dy vite ata kanë formuar një ekip të mirë në menaxhim sportiv me  shumë bashkëfajësi për të arritur objektivat që ishin vendosur.

Jordi Cruyff nuk e ka të qartë: të vazhdojë të

Tani treshja tashmë është prishur dhe Xavi mund të mbetet vetëm nëse edhe Jordi Cruyff vendos të largohet. Ai ka kohë që mendon se çfarë të bëjë me të ardhmen e tij. Largimi i Alemany, me të cilin kuptohej shumë mirë në nivel profesional, nuk e ndihmon për të vazhduar. Jordi ka dashur gjithmonë ta zotërojë të ardhmen e tij. Për këtë arsye, ai rinovoi vetëm për një sezon. Dhe këtë Laporta e pranoi.

Mbetet për t'u parë nëse me largimin e Alemany, klubi do të bëjë një lëvizje për të mbajtur Jordi. Në këtë moment klubi nuk ka një drejtor futbolli dhe Laporta po shikon se kush është zëvendësuesi.

B.T (Dosja.al)

Sondazh

Poll

MË SHUMË