Bota

Vdekja në burg e udhëheqësit të Xhihadit/ Përshkallëzohen luftimet midis Izraelit dhe Rripit të Gazës

Tre punëtorë të huaj u plagosën nga një sulm me raketa, i cili ndodhi pasi tanket izraelite bombarduan Gazën, në përgjigje të një sulmi të mëparshëm raketash.

3 Maj 2023, 08:22 Nga f.i
Vdekja në burg e udhëheqësit të Xhihadit/
Izrael

IZRAEL- Pas vdekjes së Hader Adnan, një zyrtar i lëvizjes së Xhihadit Islamik Palestinez, pas një greve urie 87-ditore për të protestuar ndaj burgosjes së tij në Izrael, militantët në Gaza goditën Izraelin me më shumë se 20 raketa. Mediat e huaja raportojnë se tre punëtorë të huaj u plagosën nga një sulm me raketa, i cili ndodhi pasi tanket izraelite bombarduan Gazën, në përgjigje të një sulmi të mëparshëm raketash.

Vdekja e tij konsiderohet një vrasje nga palestinezët, tha Nida Ibrahim nga Al Jazeera, sepse ai ishte një aktivist politik, grevat e urisë së të cilit ishin një protestë kundër burgosjes izraelite pa akuzë.

Xhihadi Islamik paralajmëroi Izraelin se do të paguajë çmimin për këtë krim. Grupe të tjera palestineze duke përfshirë Hamasin, Organizatën për Çlirimin e Palestinës (PLO) dhe një udhëheqës nga partia Fatah, të gjithë dënuan rolin e Izraelit në vdekjen e tij. 

Një nga figurat kryesore të Xhihadit Islamik në Bregun Perëndimor, 44-vjeçari Sheikh Khader Adnan, vdiq pas një greve urie 86-ditore në burg. Khader Adnan, ishte burgosur vazhdimisht nga autoritetet izraelite, të paktën 12 herë, për rreth tetë vjet, shumicën e asaj kohe nën masën e "arrestit administrativ" dhe kishte vazhduar në mënyrë të përsëritur grevat e urisë.  

hader adnan vdes ne burg hader adnan

Sondazh

Poll

MË SHUMË