Aktualitet

Provat që gozhduan vrasësit! ADN-ja e Harry Simson u gjet në motorin e Edmond Haxhisë

Hetuesit pretendojnë se kjo provë tregon lidhjen mes Simson e Saraivës dhe rrjedhimisht me Edmond Haxhian, i cili akuzohet si organizatori i kësaj vrasjeje.

30 Prill 2023, 15:23 Nga F.M
Provat që gozhduan vrasësit! ADN-ja e Harry Simson u gjet në
Harry Simson, me rreth të kuq

TIRANË- Prova e pakundërshtueshme që lidh përfshirjen e britanikut Harry Simson me vrasjen e Ardian Nikulajt është ADN-ja e gjetur në motorin e përdorur nga personi që akuzohet si ekzekutor, portugezi Ruben Saraiva. TOP Channel shkruan se profili gjenetik i gjetur në mjetin e marrë me qira nga Haxhia është i njëjtë me atë të Simson. 

Hetuesit pretendojnë se kjo provë tregon lidhjen mes Simson e Saraivës dhe rrjedhimisht me Edmond Haxhian, i cili akuzohet si organizatori i kësaj vrasjeje.

Profili i dytë i pretenduar lidhet me ADN-në e siguruar në një nga veshjet e përdorura nga vrasësi që përputhet me profilin e gjetur në një çamçakëz në banesë.

Edmond Haxhia, Thomas Mithan, Steven Hunt, Harriet Bridgeman të akuzuar si bashkëpunëtorë e informatorë në lidhje me vrasjen janë vënë në pranga në Londër dhe brenda datës 5 maj, Shqipëria duhet të përkthejë në anglisht provat dhe t’ia dërgojë Britanisë së Madhe për të bërë të mundur ekstradimin e tyre. Ndërsa në kërkim vijojnë Ruben Saraiva dhe Harry Simson.

Vrasja u zbardh vetëm një javë pasi ndodhi. Edmond Haxhia akuzohet se solli në Tiranë 4 britanikët e portugezin për të mbyllur hesapet e gjakmarrjes që kishte të hapura me fisin Nikulja, që nga viti 1997. Haxhia është kushëri me vëllezërit Lestakaj që jetojnë në Londër dhe akuzonin Nikulajn se u kishte vrarë xhaxhain dhe nipin.

harry simson ardian nikulaj vritet ardian nikulaj

Sondazh

Poll