Bota

Agjërim deri në vdekje, arrestohet pastori që shkaktoi mbi 80 viktima në Kenia

Ministri i Brendshëm i Kenias, Kithure Kindiki tha se policia kishte evakuuar më shumë se 100 njerëz që ishin strehuar në kishë

27 Prill 2023, 22:02 Nga a.l
Agjërim deri në vdekje, arrestohet pastori që shkaktoi mbi 80
Ezekiel Odero

KENIA- Policia keniane ka arrestuar pastorin Ezekiel Odero dhe ka mbyllur kishën e tij në bregun e Oqeanit Indian të vendit pas raportimeve për vdekje masive të besimtarëve. Hetimet për kultin fetar lidhet me vdekjen e gati 100 njerëzve.

Pastori Ezekiel Odero, i njohur për tërheqjen e turmave të mëdha në funksionet e tij, u mbajt disa orë pasi policia inspektoi një shtëpi funerali pranë kishës së tij. Policia tha se punonjësit e morgut kishin mbledhur kufomat në ambientet e Kishës Ndërkombëtare të Jetës së Re, në qarkun Kilifi.

"Këtë mëngjes ne kemi arrestuar pastorin Ezekiel Odero me pretendimet për vdekjet që kanë ndodhur në ambientet e tij," u tha gazetarëve komisionerja rajonale e Bregut, Rhoda Onyancha.

Ministri i Brendshëm i Kenias, Kithure Kindiki tha se policia kishte evakuuar më shumë se 100 njerëz që ishin strehuar në kishë. Predikuesi nuk i është përgjigjur akuzave. Ai do të dalë në gjykatë të premten.

Policia po heton gjithashtu lidhjen e tij të supozuar me predikuesin e Paul Mackenzie Nthenge, i cili thuhet se u ka thënë besimtarëve të vdisnin nga uria në mënyrë që të "takonin Jezusin".

Autoritetet keniane kanë gjetur tashmë 95 trupa njerëzish që dyshohet se kanë vdekur nga uria dhe janë varrosur në varre të cekëta, në një pyll prej 800 hektarësh pranë kishës së tij në të njëjtën pjesë të Kenias me kishën e zotit Odero. Shumë nga viktimat ishin fëmijë. Mthenge, i cili u arrestua më 15 prill dhe është në paraburgim, ka mohuar keqbërjen. Ai këmbëngul që të mbyllë kishën e tij në 2019, shkruan BBC. 

Kenia është një vend fetar dhe ka pasur raste të mëparshme të njerëzve që janë joshur në kisha apo kulte të rrezikshme, të parregulluara. Por Presidenti William Ruto u zotua në fillim të kësaj jave të ndëshkojë liderët fetarë që shkelën ligjin. 

ezekiel odero

Sondazh

Poll

MË SHUMË