Besnik Bislimi do të shfrytëzojë këtë vizitë për të diskutuar për shqyrtimin e aplikimit të Kosovës për anëtarësim në Bashkimin Evropian, gjatë presidencës suedeze të Këshillit të BE-së.
PRISHTINË- Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, ka udhëtuar për në Stokholm të Suedisë. Gjatë kësaj vizite, Bislimi do të ketë takime me ministren për Evropë Jessika Rosëall, sekretarin e shtetit për Çështje Evropiane, Christian Danielsson dhe sekretarin e shtetit për Punë të Jashtme, Jan Knutsson.
Siç bëhet e ditur, Bislimi do të shfrytëzojë këtë vizitë për të diskutuar për shqyrtimin e aplikimit të Kosovës për anëtarësim në Bashkimin Evropian, gjatë presidencës suedeze të Këshillit të BE-së.
Nga zyra e Bislimit thonë për KosovaPress se aplikimi i Kosovës për marrjen e statusit vend kandidat për anëtarësim në BE ka marrë mbështetje të gjerë të shteteve anëtare dhe institucioneve të BE-së, për çka janë të kontakt të vazhdueshëm me shtetet partnere, veçmas me Suedinë, e cila mban presidencën e Këshillit të BE-së deri në qershor.
Përkitazi me këtë, shprehën optimist se do të ketë zhvillime pozitive brenda këtij viti për pranimin e aplikimit të Kosovës për anëtarësim në BE.
”Aplikimi i Kosovës me 15 dhjetor për anëtarësim në BE, ka marrë mbështetje të gjerë në mesin e institucioneve të Bashkimit Evropian dhe shteteve anëtare. Qeveria e Republikës së Kosovës mbetet e përkushtuar dhe është në kontakt të vazhdueshëm me shtetet partnere e posaçërisht Suedinë, e cila mban dhe Presidencën e Këshillit të BE-së. […] Ne jemi optimist e presim që të ketë zhvillime pozitive brenda këtij viti dhe të vazhdojmë të bëjmë në vijim hapa të rëndësishëm në rrugëtimin tonë drejt Bashkimit Evropian,”- tha Klisman Kadiu, këshilltar i zëvendëskryeministrit Bislimi në një përgjigje me shkrim për KosovaPress.
Më 15 dhjetor të vitit të kaluar, Kosova ka dorëzuar aplikacionin për anëtarësim në Bashkimin Evropian nën presidencën çeke. Prej 1 janarit deri më 30 qershor të këtij viti Presidencën e Këshillit të BE-së e mban Suedia, kurse në gjysmën e dytë të vitit presidencën e BE-së do të ketë Spanja./KosovaPress
GREQI- Greqia pritet të përballet me temperatura ekstremisht të nxehta këtë verë. Profesori i Gjeologjisë dhe Menaxhimit t&...
Albin Kurti dhe përfaqësuesit diplomatikë të Francës, Italisë dhe Gjermanisë KOSOVË- Kryeministri i Kosov&eum...
Slogani i ri Një video e re dhe e sofistikuar që ka tërhequr shumë klikime në platformat e mediave sociale ruse tregon një sh...
Petar Petkoviç dhe Albin Kurti KOSOVË- Drejtori i të ashtuquajturës ”Zyre për Kosovën“, në Qeverin&e...
SHBA- Presidenti amerikan, Joe Biden, njoftoi më 25 prill se do të garojë për një mandat të dytë presidencial, teksa shum&e...
Ana Brnabiç dhe Viola Von Cramon SERBI- Eurodeputetja dhe raportuesja për Kosovën në Parlamentin Evropian, Viola von Cramon, i ...
Vriten gazetarët e 'La Republica' UKRAINË- Një gazetar ukrainas që punon për gazetën italiane 'La Repubblica' ësht...
Pamje nga lufta në Ukrainë SHBA- Gjenerali më i lartë amerikan në Evropë, Christopher Cavoli deklaron se ushtria e Ukra...
Foto ilustruese HOLANDË- Gjykata më e lartë administrative e Holandës vendosi sot se autoritetet e imigracionit nuk mund t’...
Papa Françesku ITALI- Papa Françesku hap Sinodin e Ipeshkvijve për gratë, laikët dhe të rinjtë. Një hap tj...