Sport

Për Klopp, sezoni i ri i Liverpool duhet të nisë ndryshe, ai e ka detajuar programin...

Jurgen Klopp ka filluar të planifikojë verën e Liverpool-it në detaje të përpikta, pasi paralajmëroi ekipin e tij, se ‘Reds’ nuk mund të mbeten prapa përsëri.

26 Prill 2023, 15:51 Nga DOSJA
Për Klopp, sezoni i ri i Liverpool duhet të nisë ndryshe, ai e ka

ANGLI - Jurgen Klopp po paralajmëron Liverpoolin për gabimet e bëra dhe dëshiron që lojtarët e tij të kthehen nga pushimet "sa më shpejt të jetë e mundur" për të shmangur një përsëritje të këtij sezoni. 

Trajneri gjerman ka nisur të planifikojë verën e ‘Reds’ në detaje dhe sipas Daily Mail ai do të paraqitet në punë më 8 korrik, ndërsa ndërkombëtarët do të kthehen më 11 korrik. 

Më pas do të zhvillohet një kamp stërvitor në Gjermani përpara se Liverpool të udhëtojë në Singapor në fund të korrikut për të luajtur disa ndeshje, njëra prej të cilave do të jetë kundër Bayern Munich.

Ndërtimi i verës së kaluar ishte një burim zhgënjimi për Klopp, i cili nuk kishte kohë të mjaftueshme për të bërë punën që donte dhe përfshinte një udhëtim në Lindjen e Largët që nuk kishte përfitimet që dëshironte trajneri gjerman. 

Megjithatë, këtë vit gjërat do të jenë ndryshe. Kloppo dëshiron që shumica e nënshkrimeve të skuadrës të përfundojnë deri më 8 korrik dhe gjithashtu e ka bërë të qartë se ai pret që mendjet e të gjithëve të jenë të përqendruara.

“Ky vit duhet të jetë ndryshe, - tha Klopp. - Duhet të bëjmë një hap përpara. Dhe këtë duhet ta planifikojmë në përgatitje dhe prandaj dua që të gjithë të kthehen sa më shpejt bashkë, duke respektuar domosdoshmërinë e pushimeve. 

Këtë e di dhe e respektoj. Unë dua që ata të shkojnë me pushime sa më shumë që të jetë e mundur, por, për këtë vit, ne duhet të sigurohemi që të mblidhemi sa më shpejt të jetë e mundur dhe të jemi në gjendje të shkojmë prej andej. Sezoni i ardhshëm është mbi të gjitha, të jem i sinqertë”, theksoi ai.

B.T (Dosja.al)

Sondazh

Poll

MË SHUMË