Bota

'Kosova më afër familjes evropiane'/ Brnabiç i përgjigjet ambasadorit Rohde: BE-ja nuk ka ndërmend të zbatojë kurrë Marrëveshjen e Brukselit

Edhe pse në atë shkrim kërkohej të zbatohej Asociacioni i komunave serbe dhe aneksi i Ohrit, Brnabiç ka përmendur një marrëveshje tjetër të nënshkruar para 10 vjetëve.

24 Prill 2023, 20:46 Nga a.l
'Kosova më afër familjes evropiane'/ Brnabiç i
Ana Brnabiç

KOSOVË- Kryeministrja serbe Ana Brnabiç ka reaguar lidhur me postimin e bërë më herët nga ambasadori i Gjermanisë në Kosovë, Jorn Rohde për aplikimin e Kosovës për t'u anëtarësuar në KiE, i cili tha se tashmë Kosova ndodhet më afër familjes evropiane. Ndërsa shtoi se deri te anëtarësimi i plotë kërkon zbatimin e marrëveshjes së Ohrit duke përfshirë edhe implementimin e Asosacionit. 

Edhe pse në atë shkrim kërkohej të zbatohej Asociacioni i komunave serbe dhe aneksi i Ohrit, Brnabiç ka përmendur një marrëveshje tjetër të nënshkruar para 10 vjetëve.

“Ky tweet nga Ambasada e Gjermanisë në Kosovë është një provë se BE-ja nuk kishte ndërmend të zbatonte kurrë Marrëveshjen e Brukselit, të cilën ata e ndërmjetësuan dhe e nënshkruan si garantues të saj. Tani, 10 vjet më vonë, edhe pse Prishtina nuk e zbatoi asnjë fjalë të saj, ata u shpërblyen bujarisht. Askush nuk mund t’i sajonte këto gjëra…”, shkruan ajo.

Asambleja Parlamentare do të diskutojë dhe votojë në një takim të radhës për një raport të cilin do ta përgatisë vetë. Raporti mund të shqyrtohet në qershor ose tetor. Kosova aplikoi për anëtarësim në Këshillin e Europës më 12 maj 2022. 

kosova ne keshillin e evropes

Sondazh

Poll

MË SHUMË