Sport

SKANDAL! Një revistë gjermane, boton një bisedë të rreme me Michael Schumacher, e krijuar nga inteligjenca artificiale…

Revista popullore gjermane 'Die Aktuelle' botoi këtë fundjavë, një intervistë të rreme, të faturuar si "ekskluzive” dhe një “sensacion botëror”, të ish-pilotit të Formula 1.

19 Prill 2023, 13:13 Nga DOSJA

SKANDAL! Një revistë gjermane, boton një bisedë të

GJERMANI - Një polemikë që shkon përtej kufijve gjermanë. Ndërkohë që gjendja shëndetësore e Michael Schumacher (54) mbahet ende sekret nga familja e tij, pothuajse dhjetë vjet pas aksidentit të tij të tmerrshëm në ski në Méribel, revista popullore gjermane 'Die Aktuelle' botoi këtë fundjavë, një intervistë të rreme, të faturuar si "ekskluzive” dhe një “sensacion botëror”, i ish-pilotit të Formula 1.

SKANDAL! Një revistë gjermane, boton një bisedë të

Larg nga të qenit ekskluzive dhe aq më pak reale, kjo intervistë fiktive u gjenerua nga një inteligjencë artificiale dhe shkaktoi një skandal të vërtetë në Gjermani, por edhe në mbarë botën. Është bërë në bazë të raporteve dhe intervistave të mëparshme me anëtarë të familjes, si dhe miq të ngushtë të shtatë herë kampionit të botës në F1.

Një revistë me një reputacion të dyshimtë

Kjo intervistë zë dy faqe dhe titullohet me një thënie të "Baronit të Kuq": "Jeta ime ka ndryshuar totalisht". “E pyetëm se si po kalonte vërtet. Më në fund, dhjetë vjet pas aksidentit të tij tragjik në ski, po marrim përgjigje”, shkruhet edhe në fillim të shkrimit.  Dhe përgjigjet, të cilat Michael Schumacher nuk i dha kurrë, kanë të bëjnë me dëmtimin, apo karrierën e fëmijëve të tij (Mick dhe Gina).

Ky mashtrim u denoncua dhe shkaktoi bujë të vërtetë. "Nuk duhet të presësh shumë nga revista 'Die Aktuell' dhe ekipi redaktues pas saj, mundësisht asgjë fare, dhe sigurisht jo asgjë si mirësjellje apo vërtetësi," kritikoi Boris Rosenkranz, një ekspert i medias gjermane. Shumë zëra janë ngritur gjithashtu për ta përshkruar këtë intervistë të supozuar si "turp" dhe "famëkeq".

SKANDAL! Një revistë gjermane, boton një bisedë të

B.T (Dosja.al)

Sondazh

Poll

MË SHUMË