Sport

VIDEO/ Pep Guardiola i bën thirrje City-t të tij ta 'dënojë' Bayern Munichun...

“Ne nuk mund të mendojmë për të kaluarën, do të ishte një gabim i madh kjo për ne”, tha trajneri spanjol.

19 Prill 2023, 10:36 Nga DOSJA

VIDEO/ Pep Guardiola i bën thirrje City-t të tij ta

ANGLI - Pep Guardiola i ka kërkuar Manchester Cityt që të mos ndalet dhe të mendojë ndeshjet e mëparshme në Champions League dhe ta 'dënojë' Bayern Munich në ndeshjen e dytë çerekfinale të mërkurën, pavarësisht avantazhit 3-0 të Cityt. 

Trajneri u pyet se si mund të ishte i sigurt, që ky rezultat dhe të tjera nokaute të ngjashme, si Liverpool apo edhe Lyon, nuk do të ishin në mendjen e lojtarëve të tij në Allianz Arena. “Ne nuk mund të mendojmë për të kaluarën, do të ishte një gabim i madh për ne. Kështu që ne thjesht përgatitemi për këtë ndeshje”,- tha ai.

Trajneri i Manchester Cityt, Pep Guardiola, ka theksuar se skuadra e tij do të synojë për fitore edhe në ndeshjen e dytë.

"Ne do të fokusohemi në atë që duhet të bëjmë. Ne do të përpiqemi të shënojmë të parët, dhe sigurisht që ne vijmë për të fituar. Nuk e kuptoj logjikën e ardhjes këtu dhe të mbrojtjes?! Ne kemi ardhur këtu për të luajtur një lojë 11 kundër 11, e sigurisht shpresoj për një rezultat pozitiv”- tha Guardiola.

Ai theksoi se është i vetëdijshëm se sa i fortë është Bayern, por shtoi se Manchester City nuk dëshiron të mbrohet.

"Duhet të mendojmë për lojën tonë, pasi një nga klubet më të mira evropiane do të jetë kundër nesh. Megjithatë, ne duam të imponojmë lojën tonë, e cila mund të na sjellë fitoren".

B.T (Dosja.al)

Sondazh

Poll

MË SHUMË