Aktualitet

“I pëlqente e dashura e tij”/ Vrasja e 20-vjeçarit, zbardhet dëshmia e të arrestuarit: I zuri pritë, donte të sqarohej…

Ensi Maze ka shtuar se ka pak ditë që është kthyer nga Holanda ku është edhe me studime. E këto ditë kishte takuar edhe shokun e tij që i kishte rrëfyer për konfliktin që kishte me viktimën, ndërsa pretendonte se ky i fundit e kishte rrahur.

19 Prill 2023, 11:31 Nga k.m.

“I pëlqente e dashura e tij”/ Vrasja e 20-vjeçarit,
Stiven Toshkëzi dhe Ensi Maze

TIRANË- Zbardhet deklarata e Ensi Mazes, një ditë pas vrasjes së 20-vjeçarit Stiven Toshkëzi. Ensi Maze, i pari që përfundoi në pranga menjëherë pas ngjarjes ka deklaruar se nuk ka lidhje të drejtpërdrejtë me viktimën, por ishte vënë në dijeni të konfliktit nga shoku i tij, Axel Hoxhaj. Ky i fundit është ende në arrati. 

Ensi Maze ka shtuar se ka pak ditë që është kthyer nga Holanda ku është edhe me studime. E këto ditë kishte takuar edhe shokun e tij që i kishte rrëfyer për konfliktin që kishte me viktimën, ndërsa pretendonte se ky i fundit e kishte rrahur. Sipas Mazes, konflikti kishte nisur sepse një vajzë të cilën e pëlqente Axel Hoxhaj (që e kishte në të njëjtën klasë), ishte në një marrëdhënie me viktimën. Ngacmimet nga ana e Hoxhajt kanë bërë që Toshkëzi ta dhunonte "kundërshtarin" e tij, derisa u takuan mbrëmë, ku konflikti nis edhe njëherë.  

Natën e ngjarjes i kanë bërë pritë, edhe pse sipas të prangosurit të dy e kishin lënë që të takoheshin dhe të sqaroheshin lidhur me sherrin. Por situata ka percipituar shumë shpejt, deri në vrasjen e 20-vjeçarit me thikë. Stiven Toshkëzi u godit me thikë pranë banesës së tij nga dy të rinjtë, duke ndërruar jetë si pasojë e plagëve të marra në spital, ndërsa autori njihet si person problematik në zonë dhe shkollë. Ai është ende në kërkim nga Policia. 

stiven toshkezi ensi maze

Sondazh

Poll

MË SHUMË