Bota

Parlamenti Europian voton sot liberalizimin e vizave për Kosovën, Kramon: Spanja nuk do të merret me të

Viola von Kramon është shprehur në ditën e votimit për liberalizimin e vizave se Spanja nuk dëshiron të merret me çështjen e Kosovës.

18 Prill 2023, 09:22 Nga f.i
Parlamenti Europian voton sot liberalizimin e vizave për Kosovën,
Viola von Kramon

EUROPË- Sipas raportueses për Kosovën në Parlamentin Evropian, Viola von Kramon është shprehur në ditën e votimit për liberalizimin e vizave se Spanja nuk dëshiron të merret me çështjen e Kosovës. Mediat e huaja raportojnë se vendimi për lëvizjen e lirë në zonën Shengen pretendohej se do të zbatohej nga 1 korriku.

"Më vjen keq sepse ishte vendim i gabuar, por më mirë vonë se kurrë. Kështu që shpresojmë që 1 janari të jetë data kur edhe qytetarët e Kosovës do të gëzojnë regjimin pa viza për në Evropë”, -tha Von Cramon.

Parlamenti Evropian voton sot vendimin për liberalizimin e vizave për qytetarët e Kosovës. Nesër, në 19 prill, do të nënshkruhet akti ligjor për liberalizimin e vizave. Liberalizimi i vizave do t’u mundësojë qytetarëve të Kosovës të udhëtojnë lirshëm në atë që njihet si zona Schengen, e që përbëhet prej 27 shtetesh evropiane.

Këshilli i ministrave të BE-së e ka miratuar me shumicë të thjeshtë liberalizimin e vizave për Kosovën, muajin e kaluar. Tashmë është e qartë se zbatimi i vendimit nuk do të shtyhet më larg se 1 janari i vitit 2024.

liberalizimi i vizave per kosoven viola von kramon

Sondazh

Poll