Aktualitet

EMRI/Bie nga skelat e pallatit punëtori në Shëngjin, ndërron jetë rrugës për në spital, shoqërohet administratori i firmës. Policia nis hetimet

48-vjeçari Arjan Lazri ka ndërruar jetë gjatë kohës që dërgohej në spitalin e Lezhës.

15 Prill 2023, 08:33 Nga k.m.
EMRI/Bie nga skelat e pallatit punëtori në Shëngjin, ndërron
Foto ilustruese

LEZHË- Një punëtor ka rënë nga skelat e një pallati në zonën e Kunes, në Shëngjin. Mësohet se 48-vjeçari Arjan Lazri ka ndërruar jetë gjatë kohës që dërgohej në spitalin e Lezhës. Lazri nga Kallmeti i Lezhës raportohet ka marrë dëmtime të rënda pasi ra nga skela, ndërsa Policia e Shtetit ka shoqëruar administratorin e firmës private i cili është vënë nën hetim. Ndërkohë kanë nisur procedurat e për verifikimin e zbatimit të rregullave teknike në punë.

Njoftimi i Policisë:

Rreth orës 08:00, në Shëngjin, në Kune, shtetasi A. L. 45 vjeç, banues në Kallmet, duke punuar në një objekt në ndërtim e sipër, dyshohet se ka rënë aksidentalisht nga lartësia dhe si pasojë e dëmtimeve fizike të marra, ka ndërruar jetë. Shërbimet e Policisë kanë shoqëruar në ambientet e Policisë për veprime të mëtejshme proceduriale administratorin e firmës që po kryen punimet në këtë objekt, shtetasin A. K. Gjithashtu, grupi hetimor vazhdon veprimet verifikuese hetimore në lidhje me zbatimin e rregullave teknike në punë dhe të dokumentacioneve, me qëllim sqarimin e plotë të rrethanava të ngjarjes.

arjan lazri lezhe

Sondazh

Poll

MË SHUMË