Sport

Vlahoviç, e ardhmja e Juves! Drejtori beson se bardhezinjve do t’i kthehen 15 pikët…

Drejtori i klubit torinez teksa ka folur për sulmuesin serb, është shprehur se beson se klubi bardhezi do t’i marrë 15 pikët e zbritura në Serie A dhe kjo do të bëhet e ditur më 19 prill.

14 Prill 2023, 12:15 Nga DOSJA
Vlahoviç, e ardhmja e Juves! Drejtori beson se bardhezinjve do t’i

ITALI - Lojtari i kombëtares serbe Dushan Vlahovic është e ardhmja e Juventusit dhe në këtë klub presin që ai të jetë në nivelin më të lartë, thotë drejtori i “Zonjës së Vjetër” torineze, Francesco Calvo.

Sipas tij, ish-sulmuesi i Partizanit dhe Fiorentinës, është një figurë kyçe në zhvillimin e skuadrës bardhezi në vitet e ardhshme.

"Nuk ka dyshim se ai është në qendër të projektit tonë për të ardhmen. Dushan është një lojtar fenomenal me kualitete të larta. Ai nuk ndalet së punuari për t’u përmirësuar dhe për të çdo ditë e re, është një mundësi për të treguar veten. Prandaj ne presim prej tij në të ardhmen që ai të sigurojë lojëra edhe më të mira se sa ka ofruar deri më tani”,- tha Calvo.

Drejtori i klubit torinez ka folur edhe sesi beson se klubi bardhezi do të apelojë 15 pikët e zbritura në Serie A dhe kjo do të bëhet e ditur më 19 prill.

"Ne duam t'i mbrojmë lojtarët nga ajo histori në mënyrë, që ata të përqendrohen plotësisht në fushë. Besojmë se dënimi do të hiqet, por le të presim atë 19 prill dhe pastaj të flasim për këtë,"- tha Calvo.

Kujtojmë se Juventusit i janë hequr 15 pikë për shkak të dështimit të biznesit dhe klubi nga Torino aktualisht zë pozitën e 7-të në tabelën e Serisë A me 44 pikë, shtatë më pak se Milani, i cili është në vendin e 4-të që çon në Champions League.

Nëse do t'i ktheheshin pikët, bardhezinjtë do të ishin në vendin e dytë me një pikë më shumë se Lazio, pra 15 më pak se Napoli kryesues.

B.T (Dosja.al)

Sondazh

Poll

MË SHUMË